• 陳碧舸稱上次與友人到海灘曬太陽，期間遇到男士向她們搭訕。

                夏日又到，不少模特兒都愛到沙灘大解放，除了曬太陽外，還會與男伴親熱。經常與友人到沙灘曬太陽的陳碧舸，笑言滿身太陽油親熱會很黐立立，不過若真的有男友的話，她也想試一試在沙灘與男伴親熱。               
                                                                                        「海港城STYLE Model Hunt模特兒大賽」昨日為海報進行拍攝，身為師姐級的陳碧舸、劉丹及戴小奕等中國名模亦有出席為一眾師弟妹打氣。
                          [tr]                                          [/tr]

Ruby（左）腰間有不少橙皮紋，她解釋是長高所致，而Winnie則有「翻版樂基兒」之稱。

戴小奕（左起）、劉丹、James及陳碧舸出席海報拍攝，為一眾師弟妹打氣。

劉丹以師姐身份向一班參賽之模特兒教路。

                                                                                                                                                                    穿了一身白裙的陳碧舸，甚有夏日氣息，她表示前日才與友人到海灘曬太陽︰「上次同幾個女仔去，都有男仔走嚟搭訕，不過因為尋（前）日我哋好早去，所以個沙灘冇咩人。不過我唔敢喺香港裸曬，如果喺外國嘅天體營或者會，因為嗰邊冇人會着衫，如果着衫入去反而冇禮貌，不過我未試過。」
                                                                                                                                                                    而被問夠不夠膽與男友去沙灘親熱？陳碧舸說：「我未試過喺沙灘親熱，好熱呀﹗同埋成身太陽油會好黐立立，不過如果真係有男朋友，或者都會試下。」
                                                                                                                                                    劉丹減行歐美騷                本身也是模特兒比賽出身的陳碧舸，對於今次的模特兒參賽者，她看好兩個高個子的模特兒，大讚她們身材比例好和樣子上鏡，並贈語師妹們要放鬆心情應戰。至於劉丹和戴小奕為了家人，近月很少到歐美行騷︰「因為怕有豬流感（H1N1甲型流感），為免令家人擔心，所以現在工作都安排在香港和內地。（同男友親熱怕唔怕傳染病毒？）我們都沒有男朋友。」
                                                                                                                                                    James冇Baby電話                另外，同場的JamesParry早前與Angelababy傳緋聞，他直言不想靠緋聞上位︰「我同佢見過三次，都係為工作。我依家未有女友，（順勢追Baby？）Kim（經理人）唔畀，（要事業有成先追得？）唔好咁講，Baby好nice好斯文，但我連佢電話號碼都冇，不過我唔驚同佢傳緋聞，因為都唔係真。（會唔會叫Baby介紹你去日本發展？）希望Kim幫我。」
                                                                                                                                                                    文︰名人組





東方日報
http://orientaldaily.on.cc/cnt/entertainment/20090603/00282_012.html