雅虎贊助網站載入中...
阿Sa零容忍：飛得啦！
# 1
- 阿Sa表示難以忍受男友偷歡，還說一定呃不到她。
- 蔡卓妍（阿Sa）與緋聞男友鄭中基（Ronald）的戀情日漸白熱化，對於有報道以影射方式指有男藝人去尋歡，阿Sa有備而來，強調不能容忍男友「偷食」，說：「如果係飛得啦！」
阿Sa、錢嘉樂、曾志偉及HotCha前晚為卡通人物音樂劇配音，近日多份雜誌以影射方式踢爆多位圈中男藝人瞞着另一半出外尋歡，當中更影射一名藝人，並指其房間貼滿藝人女友照片。問到阿Sa有否與Ronald合照？她沒好氣說：「冇。（你有冇畀相佢？）黐線，唔知你講咩。」
「堅料就開名」 由於報道沒有指名道姓，阿Sa說：「最唔鍾意呢啲報道，係堅料不如開名啦，呢啲報道好影響其他人。（相信Ronald為人？）唔答。」
- HotCha一身青春打扮，活力十足。
- 錢嘉樂（右）和曾志偉是夜店常客，都說見識唔等於滾！
阿Sa說狗仔隊是其後盾：「如果有證有據就會登啦。」曾被拍得與Ronald睇戲的阿Sa表示兩人的關係由讀者分析，問到如果男友尋歡如何解決？阿Sa決絕的說：「飛得啦，接受唔到，同埋都唔會呃得到。（怕唔怕報道影響Ronald形象？）觀眾識分析。」
去夜街唔係滾 錢嘉樂大方表示當年做武師時曾到夜店見識，事情並非唔見得光，純粹齋玩，但亦知有好多人會放感情。問他有生理需要如何處理？嘉樂說：「從正常途徑去結交異性。」而志偉強調不想回應有關報道，因不想幫雜誌造勢，而且出夜街不等於去滾：「通常斯文扮乖仔先至係！」
文：音樂組
東方日報
http://orientaldaily.on.cc/cnt/entertainment/20090523/00282_020.html