殿堂級品牌Louis Vuitton（LV）創作總監MarcJacobs來港主持品牌藝術展，香港的時裝潮人紛紛向他「潮拜」，但Marc哥昨爆料，稱前日中午到高級食府中國會用膳，竟因為穿裙而被拒諸門外，要朋友出面才能夠順利進內。
                                                                                        Marc哥為LV的《路易威登：創意情感》藝術展開幕來港造勢，昨日早上Marc哥以白恤衫襯百褶裙和綁繩皮靴亮相，會見逾五十位來自世界各地的傳媒，大談時裝潮流經、收集藝術品的興趣等。連日穿裙的他，自動提及前日到高級食府中國會食「閉門羹」，他說：「上年八月我放完假返紐約工作室做設計，就忙到冇時間出街買衫，呢條Comme des Garcons裙係朋友喺Barneys幫我買，我好鍾意！不過着呢條裙喺呢度（香港）就好難進入個別餐廳。」
                          [tr]                                          [/tr]

LV前晚假半島酒店Felix舉行晚宴。

前晚整夜與Ole糖黐豆的張曼玉，與Marc合照才難得不見其男友。

表情多多的村上隆拍着型爆的Marc哥，經常擦出驚喜火花。

                                                                                                                                                    短褲涼鞋「止步」                Marc哥說時不慍不火：「我昨日（即前日）着住呢條裙去中國會，佢哋唔畀我入去。」最後，Marc哥由友人開路始能入內，說起時Marc哥絲毫沒有半點嬲怒，果真有大將之風。
                                                                                                                                                                    Marc哥談到紐約新居，更加喜形於色，坦言這是最快樂、最想擁有的事情：「我想有間屋喺紐約，依家裝修緊，我同男朋友（LorenzoMartone）一齊買傢俬，一齊搵建築師。」年前成功減肥的他被問到有否計劃出減肥書，他表示沒有，並強調自己沒有減肥秘訣：「我都係去做Gym，食健康啲、乾淨啲嘅食物，呢個方法對我嚟講有效用。」
                                                                                                                                                                    記者就Marc哥食「閉門羹」一事致電中國會求證，負責人表示前日Marc哥的確曾到中國會，並說：「初時以為佢着短褲，因為會所規定男士不能穿短褲、涼鞋（夾腳趾款式）和波鞋內進，佢着裙我哋當係蘇格蘭裙，就冇問題，後尾佢都上咗樓。」反觀女士穿短褲和涼鞋均可內進（唯一不能穿波鞋），女士的規定明顯較男士寬鬆。
                          

連踩三場的Amanda S.，毫無倦意。	本身是LV fans的周汶錡，亦有出席藝術展見Marc哥。	鄭詩韻拖老公陳鴻業直落到after party盡興。
任達華和琦琦、王盛德和張天愛兩對模範夫妻合照。

                                                                                                                                                    琦琦戴口罩瞓覺                前晚出席藝術展的嘉賓包括有張曼玉與男友Ole Scheeren、AmandaS.與男友，琦琦與任達華等，剛從康城及英國返港的琦琦，逗留了一會便離開，她說：「因為下午先返到香港，有時差，連Marc哥都冇見到就走，華仔仲走得快過我，因為佢要拍通宵戲，（搭飛機擔唔擔心？）我一上機就戴住口罩，淨係食嘢先冇戴，原來戴口罩瞓覺仲舒服，不過返嚟都有少少流鼻水，（擔心H1N1甲型流感？）我係敏感，唔係流感，噴咗啲敏感藥好番啲啦，千祈唔好話我流感，驚阿女同學嘅家長見到我彈開。」
                                                                                                                                                                    藝術展圓滿結束後，Marc哥轉到半島的Felix晚膳，出席的還有何明懿、葉梁美蘭、何超鳳和董立茂等，張曼玉與男友OleScheeren亦拍拖到場，兩人在場內如糖黐豆，而且深受嘉賓歡迎，紛紛邀影合照。大會之後在中環Kee Club安排afterparty，Amanda S.與男友連踩三場，非常盡興。
                                                                                                                                                                    採訪：名人組





東方日報
http://orientaldaily.on.cc/cnt/entertainment/20090523/00282_001.html