2008-3-25 09:36
JICKYLE
郭晉安榮升老竇！前晚老婆歐倩怡誕下六磅六男嬰，他感動地說：「愛死老婆！」還為愛兒取名「Brad」，希望他能做個寬宏大量的人，以及似畢彼特般靚仔！
郭晉安（安仔）和歐倩怡的愛情結晶前晚出世，比預產期早了兩個星期。初為人父的安仔，見老婆生仔辛苦，感動之餘更揚言：「愛死老婆！」倩怡於23日凌晨穿羊水，當時安仔保持冷靜，送老婆入浸會醫院分娩，下午倩怡進入產房，安仔全程陪伴在旁。倩怡陣痛五小時後自然分娩，安仔用DV拍下新生命誕生，大嘆生命奇妙，十分開心！問到有否親手剪臍帶？安仔說：「我冇親手剪，留番畀醫生，因為要留臍帶血，臍帶血可能對BB好有用。」他又大讚老婆：「太太好叻，冇剗嘩鬼叫，我估佢係想留番啖氣生仔，刋醫生護士好好，係咁同我㳜傾偈分散我㳜注意力，等我㳜冇咁緊張。」
落床準備餵人奶
安仔及倩怡已為BB改了英文名「Brad」，中文名則未定，安仔表示「Brad」有寬宏大量的意思，希望BB將來可以成為大量的人，而且因為他兩公婆都是畢彼特的Fans，希望BB似偶像一樣靚仔，安仔笑言不介意BB比自己更靚仔！問到BB似誰？他笑言BB個樣識變：「BB出世時似媽咪，今日睇就似Daddy，屋企人話佢個樣似媽咪，個嘴就似我，其實似邊個都冇所謂。」
此外，安仔表示倩怡復原得很快，可以落床去廁所，準備餵人奶。為陪伴老婆，安仔兩日來只睡了五小時，現正拍攝新劇《真心英雄》，剛巧有兩日假期，稍後便要拍劇，陪月的重任落在外母身上。
外母放假惹投訴
然而昨日本報收到電郵，指身為廣華醫院其中一個部門護士長的倩怡媽媽，因要照顧倩怡，臨時向醫院請大假，令因流感高峰導致人手不足的醫院百上加斤。而上周二有另一位同事因家事申請假期，卻不獲批准，被迫辭職，被質疑是否「星媽大晒」！不過，據知倩怡媽媽早於去年十一月已向院方申請大假，準備陪女兒坐月。而廣華醫院兒科部發言人昨晚回覆本報，表示期間收到同事申請調動年假，因人手配合得到，才批准該員工調假。