3個人去稻香食宵夜驚喜小菜埋單要$3,179…

[img]http://www.hothk.com/data/attachment/forum/201503/13/015409s9jia8jlkilpti9a.jpg[/img]

食客賬單所見，一煲豆腐煲竟索價$2,582，還以為是自己看錯。

噚晚10點，周先生同3個friend，去到馬鞍山銀湖天峰地下嘅稻香，即刻點咗個68蚊宵夜驚喜小菜，同埋4餸2小食。點知個38蚊的小食「七味豆腐」同埋「雞軟骨」冇嚟到，侍應卻奉上78蚊嘅「海鮮豆腐煲」，上錯餸都算，佢哋繼續食。

到埋單嗰陣，周生先形容個部長鬼鬼祟崇咁話，張賬單有問題要「搞搞佢」，跟住就同啲收銀同事理論，折返就話，佢哋本身冇叫「海鮮豆腐煲」，但依家食咗，單又入咗，咁打折68蚊畀你算啦。

周先生聞言即感到氣頂，接過賬單一望，要收414蚊都算，揭開睇嚇張底單。嘩！乜咁大「驚喜」，原來本身要收成3,179蚊，一個豆腐煲盛惠2,582蚊。點解咁貴？記者今日問返稻香，佢哋高級部長劉女士即時SaySorry，話係職員忙中出錯，以後會檢討同改進。

原來職員不單止「上錯餸」、「入錯單」，仲要「計錯數」，竟然將「海鮮豆腐煲」入錯「海參豆腐煲」，呢樣餸價格係浮動嘅，需要人手輸入價格，職員就將原本「七味豆腐」的Codenumber(編號：2582)當係價格咁入，即係個煲變咗2,582蚊。好彩部長醒目，及早發現張「驚喜賬單」。周生就奉勸大家以後出去食飯，記得「一定要check單」