2014-4-14 14:30
sinta
浦偉士勤力 經常「踩場」
像所有滙豐人一樣，要回顧昔日銀行界的崢嶸歲月，總不能略過神級大班，滙控（005）前主席浦偉士這一章。薛關燕萍說，「銀行有豐年、有瘦年……咁多年最難忘最感激嘅，始終係人」，提起浦偉士，「佢真係一位好有個人魅力嘅領袖，好勤力，事無大小親力親為……」。
八十年代初，薛太在滙豐中國部工作，她記得，那時中環總行正在重建（1985年完成重建），中國部租用金鐘海富中心作辦事處，國際業務部（包括中國部）統帥，正是滙豐銀行副主席浦偉士（1986年任滙豐主席），「佢駐紮係我哋樓上」。
一頭銀髮、目光如鷹的浦老，英偉非凡，不怒而威。那時滙豐是5天半工作，薛太笑說，「佢成日星期六落嚟我哋果層」，那年頭，大家仍要收發電報，「浦偉士落到嚟會周圍睇吓，然後話呢張telex（電報）仲未覆」。
柯清輝快人快語
同事們對大班「辣更」心生畏懼，「特別係啲鬼仔見到佢好驚」，但對她們這一組女士，包括當時主管南中國的李慧敏（現恒生銀行副董事長兼行政總裁）及薛太本人，浦偉士就盡顯紳士風度，和顏悅色。
漸漸大家發現，這位巨人逢周末「踩場」，其實想與同事親和溝通，並以身作則，展現事事認真的精神。去年下旬，恒生元老利國偉出殯，浦偉士親身飛回港扶靈，薛太說，「大家見到佢都好開心」。
另一位難忘老闆，就是從滙豐到恒生，彼此合作無間的柯清輝（滙豐銀行前執董兼恒生銀行前大班）。
薛太謂，「柯生有名叫柯大俠，快人快語，睇大事不介懷小節...佢對下屬百分百信得過」，與他共事是稱心愉快的經驗。
[img]http://static.apple.nextmedia.com/images/apple-photos/apple/20140414/large/14bk04pz.jpg[/img]
■於1992年滙豐陸運會上，薛關燕萍（右五）與滙豐前大班浦偉士（左五）合照，當時薛太為滙豐銀行南九龍區區長。
來源:蘋果日報網站