「大文豪」尼馬難捉摸

球星玩自拍一向不輸台妹同女星，尼馬更係當中表表者，眾所周知呢位巴西前鋒嘅自戀程度絕非講笑，可堪稱借角度自拍同玩Instagram嘅專家；連英國《每日郵報》都做咗個小統計，尼馬以大熱當選，成為歐聯16強大戰前，最頻頻上載自拍照嘅球星！
今個周中歐聯戰火重燃，呢位巴西球星備戰之餘都不忘自拍自娛，不過尼馬上載嘅自拍照配埋留言，同樂壇「大文豪」一樣令人摸不着頭腦。一張緊皺眉頭嘅大頭相，竟然配上「life is beautiful」（圖），實在好難捉摸！
尼馬喺出征曼城途中，已經更新咗3張相，包括兩張自拍加埋一張同巴塞隊友嘅大合照；第2張自拍更拉埋上帝落水，黑白藝術照加上「艱難時候就禱告，上帝有能力令人平靜，早唞」嘅留言，唔知同曼城爭入8強時，上帝係咪可以幫到呢位巴西人呢？


[img]http://static.apple.nextmedia.com/images/apple-photos/apple/20140219/large/19s5-001p.jpg[/img]


來源:蘋果日報網站