2013-10-17 12:47
sinta
雨僑床戰 半裸雨僑床戰 羅力威唔舒服
雨僑床戰
[font=Tahoma][color=#333333][size=15px][b]雨僑床戰[/b][/size][/color][/font]
[img]http://hotlink.go2tutor.com/img_passage/1016-00470-018b2.jpg[/img]
雨僑於韓國拍戲繼續大解放，前晚裸背與韓國男星李世慜大演床上戲，挑戰性感極限，但疑拍水中戲時喝到污糟水引致腸胃炎，雨僑昨日急返港就醫。歌手羅力威昨日被追問緋聞女友拍激情戲時，即以生病為由封嘴。
女星雨僑與韓國男星李世慜前晚於韓國拍攝錢國偉新片《喜愛夜蒲3》，纏綿戲愈夜愈激，34C的雨僑與李世慜在水中激戰連場，除Bra、裸背、激咀愛撫後，還轉移陣地於床上大戰，激烈程度爆晒燈。
雖然二人在鏡頭前浪漫纏綿，但原來凍到震！由於韓國天氣十分寒冷，加上於溫泉酒店的泳池取景，故拍攝時雨僑與李世慜都凍到牙關打震，需要相擁取暖。雨僑笑指今次拍激情戲，已凍到冇晒緊張感：「經常上水落水，真係好凍，不過我見李世慜仲震過我，面青唇白。不過實在太凍，工作人員用風筒吹熱風等我舒服啲，但都頂唔順，愈拍愈唔舒服，差啲想喊！」
水中激咀致腸胃炎
「激戰」過後，雨僑腰間留下被李世慜托實的一片紅印，拍攝過後，雨僑屙嘔大作，昨晨11時半乘機返港的她，隨即到聖保祿醫院求醫。素顏穿冷衫及短裙的她，戴上口罩，一臉病樣倚牆而站，她估計是與李世慜拍水中激情戲時「出事」：「啲水都凍，上水時成身濕晒，仲飲咗幾啖泳池水，搞到喉龍發炎、腸胃炎同發燒。喺機上屙到脫水，嘔到要攬住個廁所，真係肉酸，乘客都有投訴我。（李世慜都病？）我諗佢都凶多吉少，當時見佢面青口唇白。」問到緋聞男友羅力威有否呵番，她只稱剛返港未與朋友聯絡。
昨日羅力威出席公開活動時，未知是否不想談及雨僑的激情戲，只以喉嚨痛兼發燒為由，叫助手轉告傳媒未能受訪。而當記者趁機問及雨僑拍激情戲及事前有否備案等問題，他僅以「唔答」作回應，但被問到是否激到病，他即說：「唔係，因為忙先病，今晚要錄音。（聲沙點錄？）死撐！」
雨僑床戰 引用:[url=http://hotlink.go2tutor.com/content.asp?id=6861&keywords=雨僑床戰][font=Tahoma][color=#333333][size=15pt]雨僑床戰[/size][/color][/font][/url][font=Tahoma][color=#333333][size=15pt] - 半裸雨僑床戰 羅力威唔舒服[/size][/color][/font]