唔好8掛

從前有個男仔,佢每次番學放學都要經過一個小森林....

佢每次都會經過個森林入邊既一間小木屋,佢每一次經過木屋都見到係木屋既二樓有個女仔係二樓到望住佢...

個男仔睇個女仔好似有野想同佢講,但係個女仔又唔講野...

之後佢每次經過木屋都見到同一個女仔用同一個眼神望住佢,之後佢就無理到個女仔啦...

有一日,個男仔係屋企睇電視睇到新聞話有人綁架左某大仟金,聽完呢個新聞個男仔突然惗番起係木屋個女仔...

之後個男仔就走去個木屋果到,見到個女仔仲係咁望住佢,但係個男仔無理到個女仔就撞開左間木屋既門,但係入邊一個人都無...

個男仔就走左上二樓,眼前既野張個男仔嚇呆左,佢見到個女仔係因為吊死係窗邊先咁望住佢...

一陣冷風吹向個男仔令到個男仔清醒番,係佢個腦就出現左一個字:走...

但係個男仔鬱都鬱唔到,講野都唔得,隻見個女仔慢慢咁去到個男仔身邊,之後就話:我係到等你好耐啦,依傢就由你代替我啦,呵呵呵...

之後就無人再見過個男仔,又有人話係木屋既樓窗口本來既女仔變左個男仔...