羅湖出境大樓

羅湖出境大樓

時間 : 農曆七月十四 , 十一點三十分
地點 : 羅湖出境大樓

本人係羅湖某 department 職員 , 個日係農歷七月十四 , 係十一點半既時候 , 已經
冇咩人過關 .
所以個大出境大樓已經冇咩人喇 . 0個個時候因為我要寫 log book 既關係, 所以係一
個黑暗既角落度寫, 順便偷下懶, 等收工.

突然, 有隻手係我背後度搭落黎, 用低沈既話氣叫:  亞sir. 咁我向後一望, 係一個
大摡80歲既亞伯. 然後個亞伯拎住自己張身份証, 問我: 亞sir, 點樣可以取消張身份
証, 申請死亡証呀?.
我當時望下張身份証, 以為自己眼花, 所以再望多幾下, 點知真係個亞伯個樣. 我心諗
唔係咁邪呀, 六合彩又唔見我中.
我即刻嚇度標冷汗, 腳又震, 勁想走, 但係又唔走得, 因為著住制服.

我靜左十幾炒, 之後我就扮冷靜, 同佢傾計.
我問:  幾時唔係度架?
亞伯眼濕濕咁答:  早兩日囉, 無端端咁就唔係度喇.
我當時想叫出黎, 但係又驚我一叫, 個亞伯俾我鬼樣我睇.
我再問:  係邊度過身架?
佢答我:  係深圳.
咁我就問:  咁我以傢有咩幫到你呀?
佢就話:  咩都唔洗, 淨係幫我老婆申請張死亡証.
我就話:  你老婆, 乜唔係你咩?
佢話:  大吉利是, 我老婆, 唔係我呀.
我話 : 咁你又拎你張身份凡証俾我睇?
佢話:  下, 係我個張咩. 跟住佢就望一望, 拎左第二張出黎. 佢話:  亞sir, 唔好
意思, 我老得滯, 眼花, 睇錯左.
我就足足鬧左佢成十分鐘, 話:  唔好玩喇亞伯, 嚇死人喇, 七月十四攪d 咁既野
......
個亞伯就好唔好意思咁, 係咁話對唔住.....

真係100% 真人真事, 全羅湖同事都知... 我個時真係好驚, 諗番都幾好笑.... 見過咁
多次死人都冇今次咁驚