[個人經歷] - 大角咀 <updated>

我細個果時, 住在大角咀區
當時, m 記重係銀行果時, 我daddy always 帶我地一傢去山仔食飯...
有時, 我同我妹都係山仔見到對面學校有一個人頭飛, 一邊飛d 燈一邊開, 飛過就熄...
食完, 就會經惠康再經過銀行(e+ m 記) 返傢...
有時, 我係呢一條路見到好多白色面, 紅眼影, 紅唇膏, 黑+紅衫...
我覺得好怪, 就會同daddy 講, daddy 唔會理我, 再抱起我行...又叫我訓...
但我再望就唔見左佢........
但果時細個都唔知點解ga la, 重可以白癡到同daddy 講, 點解個姐姐行得咁快?
daddy 都唔會理我, 我就會俾mami 鬧我......

細個, 有時經過路x會小學, 見到五樓.....d 燈係一閃一閃......果時係9pm...
重見到d 頭可以過牆一直飛一層五樓......
每一次同daddy 講親, daddy 都睇唔到, 連我妹都睇到....

有時深夜12am 後, 會聽到大角咀道好嘈, 一堆男人一個女人..
一堆男人, 好似追住個女人, 個女人不斷大喊唔好.....救命.....呀.........
之後, 堆男人好似用一d 鐵製ge 物品, 係咁發出一d 鐵撞鐵ge 聲.....
之後, 就聽到好似切野ge 聲, 就係咁, 聽到個女人喊最後一聲救命之後, 就靜曬....
我同媽咪講, 聽唔聽到, 但mami 每一次都聽唔到.....
最後果一次聽係最近1-2年ge 事, 我做緊IT 功課, 真係聽到好大聲救命 同上述一樣..
但每一次屋企人都聽唔到...我第二日睇報紙都冇任何案件係關於大角咀.......

其實, 我重有其他在大角咀的經歷, 關於2000年人口普查果時,
當時, 我係要訪問中匯街d 樓再返去x全小學...
有一次, 因為其中一個住客要我7pm 後先可以去佢屋企, 所以我去完, 都會順便做多一至二層樓...
其中有一層好似係11樓, 當時, 我一出lift , 已經唔知點解覺得個lift 好怪, 因為舊lift 多數都係hold一陣先再慢慢開門..
但果次, 係等左好耐, 都唔開, 我想按鐘, 等d 管理員幫一幫我, 點知, 我想按果時, 忽然間開左....
一開門, 我以為自己眼訓, 因為我睇到一陣白色好似煙ge 野飛過, 當時, O 左一陣咀....
因為都冇諗住自己真係會咁黑ga ma...因為唔知點解間唔中都見...甚至自己屋企...
我一轉彎, 第一間係一個白色閘, 我諗住按門鈴果時, 我真係嚇到差d 大叫...
因為閘門忽然間有一個白色面, 眼眶係小小淺紅, 一個小朋友蹲下來, 望住我.......我真係呆左...的而且確有20%似咒怨那個男孩...
突然間, 果間屋入面, 係有一個小男孩, 好大聲由屋入裡, 大聲問我邊個?
果個白色面ge 男仔, 漸漸消失.......
而果個小男孩開門俾我入, 而佢媽咪原來打緊牌, 佢地要我入佢地間屋...
我一邊行左去, 個小男孩一邊問我姐姐, 你見到d 嘜野ar? 我開門俾你果時呆左ge? 個小男孩係一邊問一邊暗笑.....
我拎完問卷之後, 個小男孩一邊送我出門, 一邊不斷問我姐姐, 你係咪見到jei?
我轉頭幫佢地關門, 我見到個白面男孩係個kitchen 露出小小面望我.......
我真係心都驚埋........同埋個小男孩好似一早就知道咁.......
係入屋果時都邊行邊講唔該謝謝, 唔好意思, 打擾曬 等等ge 字眼...

好la, 我幫佢地關上閘門後, 我就 check 我張list 睇下11樓未收問卷ge住戶....
諗住快快咁收完就算, 所以, 我由呢戶ge 閘門行左3步, 聽到, 一d 高跟鞋ge 腳步聲....
其間, 我一行就有高跟鞋聲, 相反, 唔行就冇聲, 我當時著波鞋...膠底...
當時, 我咁驚, 咁係冇即時轉頭望la, 萬一真係黑到咩咁, 咁我點算ar?????
所以我行得好快, 10步左右, 我因為好似miss 左一戶, 所以慢慢轉身睇一個門牌,
所以, 我可以順便看看係咪真係有人跟蹤我....話曬真係驚會遇到變態佬......
但, 我轉身望果時, 我好似見到一個黑髮女人係轉角處...但隻係見到d 頭髮飄飄下......再望多幾望, 又係漸漸消失....
我嚇到, 一直咁行, 行得好快........ 沿路上, 我見到有d 大門係貼有符咒.........所以勁驚....
因為果到d 路係w 型.......所以, 我都好驚會係另一邊lift 口見到.........
行到中間, 真係撞到...一個清潔嬸嬸........佢同我講早d 返去la, 唔好咁夜ar, 我唔係要清潔都唔會咁夜la...真係早d走ar...
我笑住同佢講唔該曬, 同埋問左嬸嬸小小野之後, 嬸嬸都係千叮萬囑我早d 走.....

話說, 係我讀大角咀路x會小學, 原本係垃圾房隔離有2棵大榕樹......
果到, 我聽小學ge 同學講, 佢地間唔中都會見到一個穿紅衣長髮冇腳......
雖然, 我見到ge 都隻不過係一舜間......

這就是我的經歷..........完

[[i] 本帖最後由 dor128 於 2007-8-13 01:52 PM 編輯 [/i]]