[轉貼](真人真事)取自多年前恐怖熱線的鬼故

呢個故事係發生響一名讀中二既女仔身上~
女仔本性天真活潑, 好動, 讀書都唔錯的~
有一日, 跟學校去一年一度既旅行, 地點係郊區既地方~
抵達目的地, 有人燒野食, 有人三五成群圍埋傾計~
而呢個女仔就連同幾個同學去另一個較少人既地方玩捉迷藏~
就響玩得興高采烈既時候, 呢個女仔就就聽到啪一聲, 好似踼到d野咁~
於是佢就向地下一望... 原來佢踼到一個放於路邊既金塔(即盛載骨灰果d)~
可能佢地仲細, 根本就唔知果 d 係咩黎~ 有理無理就繼續玩啦~
到日落西山~ 全體校生回程之際, 個女仔亦無大礙的.

但當佢返到屋企之後~ 怪事就黎喇~ 原本活潑, 多言既女孩~
父母見佢好似成個人變哂咁~ 唔食野, 唔多出聲, 開頭父母不意為意,
以為女兒隻係功課壓力大或玩得太累o者~ 過左幾日個情況梗加嚴重~
女仔既性格開始變得爆燥, 父母就問女兒發生咩事呀~
點知個女仔連把聲都變埋一把男人既沙聲~

男鬼: 你個女踼到我住既地方~ 就連一句對唔住都無講就走左去~
    我好嬲~ 一定要帶佢落去陪我~!!

呢個時候, 佢既父母心知不妙喇, 相信自己女兒可能鬼上身~
於是就經朋友口中請黎一位法師上門~ 希望可以替女兒趕走果隻野啦~
法師入到屋, 望左個女仔一陣~ 就同佢既父母講~

法師: 你個女既情況好危險~ 如果再遲 d 恐怕真係連我都救唔到佢~
父母: 點算呀~ 法師~ 你一定要救下我個女呀~!!
法師: 好在, 而傢仲有機會救得返佢的~ 我而傢將一道符貼去佢身後既長髮上面~
   (當然法師係同果位鬼上身既女仔經過一輪摶鬥啦~~!) 記住~ 響今晚十二點前,
   你千祈唔好比道符甩落黎~ 如果唔係果隻男鬼就會帶走佢既喇~ 呢次係唯一
   亦係最後既機會~ 記住我所講既野~!!! (法師交帶過後就離去瞭~)

當道符貼左上女仔身上之後~個女仔就暈左~ 父母看著大鐘~
時間一分一秒咁過~ 而女身亦已暈左接近2個鐘~ 就響呢個時候~
大鐘上顯示出11:45~ 女兒終於醒來~ 而且意識亦慢慢恢復過來~
聲線亦變返女兒本來既聲音~ 女兒就問~

女兒: 究竟發生咩事呀~ 點解我覺得自己訓左好耐咁既~ 好似好多日都未食過野
    咁tim呀~ 媽媽呀~ 我而傢好肚餓呀~

父母見女身已經恢復過黎~ 當然滿心歡喜~ 但唔想比女兒知道佢鬼上身~
隻係講左個大話呃女兒話佢今日先去完旅行返黎~

父母: 係呀~ 可能今日去完旅行返黎太累瞭~ 咪覺得自己訓左好耐囉~
    如果你肚餓~ 我地就同你落街食野啦~ 你入房換件衫先啦~!
女兒: 嗯~ 咁我入房換衫先啦~! (如是者~ 個女仔就入房換衫~
    準備跟父母落街食野~ 當個女仔梳頭既時候.... 就比佢摸到自
    己既頭髮上有一張符... 於是就拎住道符出去問佢父母~
女兒: 媽媽~ 呢張咩黎嫁~????

父母望一望女兒手上既符~ 再睇下大鐘~ 當時既時間隻係11:55~
(仲有五分鐘先到12:00呀~~!) 即時內心一酸~ 一時間唔知應該講咩好~
最後~ 就哭住咁同個女講~

父母: 呢張係咩都唔重要喇~ 阿女..........爸爸媽鎷同你落去食埋最後一餐啦
   .....................(當然女兒唔明白父母為何會哭~ 梗加唔明咩係最後一餐啦~
  

當父母跟女兒去到食野既地方~ 個女仔隻係飲第一啖水~ 就吐左好多血出黎~

父母哭著叫白車~ 白車雖到瞭~ 但在送院途中~個女仔証實死亡~!!

當我聽完個故事~ 真係第一次聽鬼故會聽到心酸~ 覺得好多野都係整定~

命運早已有安排最可悲既係因父母一時

[[i] 本帖最後由 cecelpy 於 2006-12-8 09:17 AM 編輯 [/i]]