紙盒驚魂

呢個係我0既親身經歷，好想同大傢分享一0下，諗返起0個次經歷，真係幾晚都訓唔著。

我自細就有一個癖好，最鍾意匿埋0係0的紙箱入面，大大細細，總之可以匿到入去0既紙箱，我都好鍾意匿入去。

記得10歲0個年，因為屋企賺到錢，所以可以由細屋搬大屋，就連0的傢俬同電器都買過曬新0既。由於買新電器0既關係，就自自然

然有好多紙皮箱，最0巖心水就莫過於成個人咁高0既新雪櫃啦！因為個紙盒都係人咁高，匿入去空間都大0的嘛！

雖然話搬0左大屋，之但係要將成個雪櫃咁大0既紙盒擺0係個廳中間都唔係一件易事，所以唯有擺出走廊。跟住，我當然做返自己0

既事——如常咁匿入個紙盒度，因為我覺得好似有我自己0既小天地咁，好有安全感！不過今次呢個「雪櫃盒」個感覺有0的唔同，

初初匿入去0既感覺仲算OK，點知冇耐就開始焗到想嘔，所以好想出返去，點知出0黎出去都係出唔到。無論我點樣掙紮，個盒都係

無鬱過，點都出唔到去，好似有個人0係個盒面度頂住咁，推極都推唔開。呢個時候我開始好驚，仲不斷大叫救命：「我唔玩啦喇！

快0的放我出0黎呀！」

但無論我點樣嗌，個紙盒依然係封住；無論我點樣掙紮，我依然係出唔到去。直到我發現紙盒兩邊有個手抽窿，恐怖0既事亦跟住發

生……

我0係個手抽窿度見到有個人影由下而上飄上去，跟住仲飄入地下，一路係咁飄，係咁飄，直至成個人入曬地下為止。跟住，嚇到講

唔到0野0既我再一次掙紮，個腦淨係諗住：「死都要出0黎！」我用盡九牛二虎之力推開個盒蓋，點知……竟然一0的困難都冇。由

於衝力過大，仲搞到我好似「炮彈飛人」咁彈返出0黎添！

就0係呢個時候，我阿媽仲走0黎問我做乜咁嘈，我話我嗌0左好多次救命都冇人理我，點知阿媽竟然話咩都聽唔到……

自此之後，我再唔敢匿埋0係紙盒入面，買電器0個陣見到紙盒我都走夾唔抖！