巴洛迪利後踭射波　辣㷫恩師

[img]http://hk.apple.nextmedia.com//images/apple-photos/apple/20110726/large/AA04_01_a.gif[/img]

唔少人都羨慕曼城領隊文仙尼，有中東油王無限量金錢支持，鍾意買邊個球星就買邊個；其實文仙尼有苦自己知啫，好似麾下 4個正前鋒，巴洛迪利就腦殘，泰維斯就成日嗌走，艾迪巴約就軟皮蛇，係迪斯高叫做正常番啲。
巴洛迪利上季加盟曼城，已經不斷有儍仔事發生，上至同隊友開片，下至唔識着練習衫，大家都幾懷疑佢頭骨內係唔係得一堆草。周日對洛杉磯銀河嘅友賽，雖然巴洛迪利射入 12碼，為曼城先開紀錄，不過呢位所謂意大利新星，係唔係受阿聯酋球員阿圭拿上周喺友賽轉身後腳射入 12碼所感染， 32分鐘半單刀埋門，就用後腳施射，可惜皮球就軟弱無力出界。
阿圭拿事後幾乎被阿國足總處分，巴洛迪利好學唔學，曼城領隊文仙尼當堂火起，立即換走巴洛迪利，由占士米拿入替；巴洛迪利出場後就唔識死，走去同文仙尼面前嘈，之後嬲爆爆擲水樽㖭。場波雙方法定時間打成 1:1，互射 12碼曼城贏 7:6，文仙尼都攞番個彩。冷靜過後，文帥就冇打算處分「契仔」，只講：「我已經向佢訓話，講呢次唔尊重對手，我換走佢已經係合適處分。」


[size=20pt][b]文帥死忍因無「鋒」[/size][/b]
文仙尼死忍，當然有原因，事關球隊前鋒都冇邊個可靠；好似泰維斯就猛嗌走人，就算轉唔到會去哥連泰斯，都冇心留喺曼城。曼聯領隊費格遜之前就講，泰維斯真係冇鬥心，睇佢都唔踢得耐，當年好彩放走佢；泰維斯經理人就即刻回應，講泰仔不知幾熱愛足球，球員生涯仲有 8年，即係有機會踢到 35歲。

[節錄...]

來源:蘋果日報網站