求驗客手記：紅軍抄曼聯搵新小豆

[img]http://hk.apple.nextmedia.com//images/apple-photos/apple/20110721/large/AA03_01_b.gif[/img]

利物浦自杜利格殊重新上場後，用咗超過 1億鎊（約 12.6億港元）買球員，不過原來杜格利殊唔係淨係識使錢，亦識得去中美洲搵好嘢番嚟。佢見「小豆」查維亞靴南迪斯喺曼聯咁成功，於是亦有樣學樣，盛邀墨西哥超新星馬高般奴（ Marco Bueno）嚟試腳，仲計劃同佢簽 5年合約㖭！
杜格利殊喺今年 1月再掌紅軍帥印後，頭尾使咗逾 1億鎊簽蘇亞雷斯、安祖卡路爾、佐敦軒達臣、查理阿當同埋達寧，俾人洗腳唔抹腳嘅感覺。但係，佢亦偷同鄉、曼聯揸弗人費格遜條橋，見對方喺去夏簽入嘅「小豆」超成功，於是就照辦煮碗，睇中帕丘卡前鋒馬高般奴，象徵式邀請對方喺晏菲路腳 10日，然後就開份 5年合約畀佢。帕丘卡副會長法斯就話：「我哋𠵱家同利物浦傾緊。如無意外，馬高般奴會喺 8月 1日會自己畀錢飛去利物浦。利物浦想買佢嘅擁有權。」


[size=20pt][b]謝太唔鍾意 Harper 8[/size][/b]
[img]http://hk.apple.nextmedia.com/images/apple-photos/apple/20110721/large/AA03_01_a.jpg[/img]
[size=8pt]馬高般奴（左）先排幫墨西哥贏咗 U17世界盃，絕對係真材實料，唔怪得俾利記睇中啦。[/size]

現年 17歲、比「小豆」後生 6年嘅馬高般奴被認為係墨西哥新金童，喺 6月舉行嘅世少盃，佢就打足 7場比賽，帶領墨西哥喺自己國家揚威，並繼 05年後再次捧盃。「小豆」去夏由瓜達拉哈拉加盟曼聯，頭一季打英超就入咗 13球，隨即幫紅魔喺車路士手攞番聯賽錦標，唔知呢粒「小小豆」係咪一樣咁掂。
另外，天生一副外父相嘅利物浦隊長謝拉特，預計喺 11月會又做老竇，由於碧咸用自己嘅球衣號碼嚟做個 BB嘅名，將個 BB叫夏芭七（ Harper Seven），謝太居倫為免謝拉特有樣學樣，經已下令禁止個 BB叫夏芭八（ Harper 8）。居倫就話：「如果佢諗住用佢波衫號碼嚟做個 BB嘅名，我一定唔准囉！不過，我都喜歡夏芭呢個名。」
用球衣號碼嚟起名係有意義，但「唔怕生壞命，至怕改錯名」[節錄...]

來源:蘋果日報網站