邀Hidy潛水比胸 嘲趙碩之老前輩 Jeana繼續惹火生人勿近

(綜合報道)(星島日報報道)近日為新推出的寫真而惹來是非多多的何佩瑜（Jeana），前晚到文化中心欣賞舞台劇《Boeing Boeing波音情人》，卻姍姍來遲。對於被指四處辣火頭得罪人，Jeana不但直認惹火，更叫一眾o靚模不要走她太近，以免燒傷！文：鍾舜英

　　圖：朱偉彥

　　近日Jeana被同門另一位推出寫真的拍檔Hidy（余曉彤）作人身攻擊，指她是胸部似《變形金剛》，Jeana起初對此避重就輕，指Hidy說她是《變形金剛》是好事，因為這是近日的熱門電影話題，但當被問到Hidy指她的是假胸時，Jeana即說：「佢都未見過我個胸！（Hidy邀妳一同潛水？）佢呢方面係專家，我都要請教佢，（其實是說怕妳抵不住水壓而爆胸？）我唔驚，無嘢會令我驚，我搭飛機都唔怕會有事，（妳們同公司卻互相廝殺？）唔係，咁啱一齊出寫真，都算得上係對手，我本身無咩嘢，可能大家風格唔同啦。」

　　邀趙碩之打麻將

　　至於Jeana被指得罪人多，四處辣火頭？她直言：「係口架！我會辣火頭，叫佢哋唔好走太近，燒到佢哋就唔好，唔想被燒就最好咪行近我，（是否Hidy出書才跟妳開戰，齊齊博見報？）些少啦，我同她唔熟，平日很少聯絡，（哪妳會否收歛一下？）唔可以！我啱啱出寫真，其實只係我講嘢率直，佢哋講我，我都要回應口架，其實咁至會令對方得益，起碼有1版報紙宣傳，好似老前輩趙碩之，話我指佢係岩石胸而不快，其實我係讚佢岩石胸似莎朗史東，點知佢唔鍾意，就話我人品唔好，自細阿媽教我打麻將就知對方人品，有空的話佢可以約我一齊打麻將，睇吓我人品，（會否送寫真給趙碩之？）我怕又會燒着佢，唔敢送，我未出道都已經有睇佢啲新聞，佢係前輩。」

　　■Jeana前晚欣賞舞台劇，不忘暗寸同門Hidy，又踩趙碩之無品。

　　■Hidy曾指Jeana的胸似《變形金剛》，時大時細。

　　■趙碩之因「趙石胸」之名而不快。

　　■Jeana表明會繼續辣火頭，坦言生人勿近