夫妻角力高下立見 霆鋒癡心贏晒栢芝

【鋒芝變之以柔制剛】謝霆鋒和張栢芝婚變鬧劇熱爆全城，栢芝率先按捺不住數臭老公，圖挽形象卻成致命傷，反觀霆鋒為了一對兒子全程啞忍，昨日現身北京時隻字未有反擊，並發表「愛芝宣言」，癡心過楊過。接連失分的栢芝爆料卻淪為輸家，連蕭若元也揶揄她「輸晒」。

[img]http://hk.apple.nextmedia.com//images/apple-photos/apple/20110627/large/27ec2p1.jpg[/img]
[size=8pt]鋒芝婚變事件上，雙方都大打公關戰，但明顯霆鋒章法優勝許多。[/size]

自上月張栢芝被本報獨家踢爆向陳冠希示好，在機艙主動合照後，謝霆鋒和栢芝的婚姻急轉直下，兩邊陣營開始發功，為日後離婚爭兒子撫養權鋪路，並展開一場鬥志鬥力的公關戰。
由於鋒芝婚變必惹來評論，故每張牌都要深思熟慮，但以公關技巧而言，栢芝陣營明顯不及霆鋒，雖然栢芝人多勢眾，但都屬小嘍囉，先由栢芝好友 Yuki在微博發功，寫下文章力數霆鋒不是，再由經理人 Emily、助手 Andygaga轉載，聯同台灣幫藝人及 Rick Chin等合力，將形象爛玩的栢芝硬 sell做慈母、好妻子，惜成效不大。
栢芝按捺不住絕地反擊，接受傳媒訪問數臭老公六宗罪，但全程將機艙合照一事掠過，訪問更慘成致命傷，形象直插地底，比起上次「淫照門」後接受有線訪問的剛烈，今次栢芝輸得一敗塗地。


不出惡言形象佳
反觀霆鋒陣營有英皇、拉姑、查小欣等，加上霆鋒是聰明人，所以兩邊陣營高下立見，霆鋒沒有如栢芝般狂數老婆，反而一直保持沉默，每天專注拍戲，就算日前發表聲明也隻字不反擊栢芝，至昨日在北京開腔發言，也沒有指摘栢芝，更發表「愛芝宣言」，癡心程度直比楊過，形象分大增，贏足栢芝九條街。
另外，蕭若元主持的香港人網電台節目《風也蕭蕭》上周五也拿鋒芝婚變來做話題，蕭若元力撐霆鋒，更揶揄栢芝狂數霆鋒六宗罪已「輸晒」，他夾雜着粗口說：「栢芝唔出聲好難講是非，一出聲就有咗根據，人哋話你過億咁拎佢啲錢，你都唔敢話冇拎過人錢，你使乜錢呀？保母車，只係幾廿萬，你攞咗人成億，你幾十萬𠱁吓人，當你講呢啲出嚟就非常之危險，即係其實冇嘢講，搵到最勁就係呢啲。」


[size=20pt][b]蕭若元大彈栢芝[/size][/b]
[img]http://hk.apple.nextmedia.com/images/apple-photos/apple/20110627/large/27ec2p2n.jpg[/img]
[size=8pt]蕭若元開咪力撐霆鋒，並寸栢芝數老公六宗罪「輸晒」。[/size]

蕭若元又質疑栢芝數霆鋒欠理據，他說：「要唱霆鋒衰嘢，只係講打機，都冇回應對方（指查小欣爆料稱栢芝陰乾霆鋒資產）講啲嘢，只係無理取鬧，霆鋒肯返屋企打機都唔錯啦。你話人哋放料，放料即係意圖謀殺你嘅人格，但呢樣嘢對分身家係冇幫助，只係爭取輿論同情。佢話拉姑爆料，冇話爆假料喎，其實爆陽明山莊交幾錢租，即係爆霆鋒為你交一年租，點解交一年？[節錄...]

來源:蘋果日報網站

[youtube]s0Mp0LoBom4[/youtube]

演技影帝影后級,好難相信佢地邊一方. 只從08年單野爆出,柏艺己經衰哂啦,而家反撃數霆鋒.

霆鋒沉默是金