加拿大離奇微博爆大鑊 栢芝使橫手數霆鋒 6宗罪

[img]http://hk.apple.nextmedia.com//images/apple-photos/apple/20110624/large/24ec1p1new.jpg[/img]
[size=8pt]鬧婚變的張栢芝前晚與助手 Andygaga、張豪龍等現身機場，被追訪的栢芝全程臉帶笑容。[/size]

【鋒芝變之反轉豬肚】鋒芝離婚已成定局。箍煲失敗的張栢芝連日部署反擊謝霆鋒，繼日前為爭撫養權出招，自編自導自演親子騷後，昨日又有一名自稱是她好友的 Yuki Lee突然在微博發功，數臭霆鋒 6宗罪，指他不理妻兒、借阿媽把口逼栢芝離婚、狄波拉搞事，惟恐天下不亂等，栢芝經理人更在網上公然痛斥，指栢芝每日受到謝家傷害及中傷。鋒芝 5年婚姻玩完，演變成兩方人隔空發炮。

鋒芝婚變由陳冠希的機艙世紀合照引爆，事件擾攘至昨日第 47日，已變成無可挽回的離婚定局。上月查小欣在電台大爆栢芝轉移霆鋒過億資產，之後傳聞滿天飛，被揭貪錢、唔湊仔的栢芝形象插水，加上她自知婚變冇彎轉，兩人為爭兩子撫養權也誓必對簿公堂，故日前她率先上演親子騷力挽形象，昨日她更隔山打牛，借好友及經理人把口發功打殘霆鋒。

[img]http://hk.apple.nextmedia.com/images/apple-photos/apple/20110624/large/24ec1p2new.jpg[/img]
[size=8pt]謝霆鋒被自稱栢芝好友的 Yuki在微博勁數 6宗罪，更稱他為最佳男主角。[/size]

[img]http://hk.apple.nextmedia.com/images/apple-photos/apple/20110624/large/24ec1p5newa.jpg[/img]
[size=8pt]自稱是栢芝好友的 Yuki昨日在微博狂數霆鋒，還大讚栢芝為維繫家庭而啞忍霆鋒的惡行。[/size]

[size=20pt][b]寸霆鋒喺屋企做戲[/size][/b]
前晚栢芝偕同經理人 Emily、女助手 Andygaga及胞弟張豪龍等漏夜離港，齊飛德國法蘭克福。昨午 3時，一直在栢芝身邊的 Andygaga在微博轉發自稱是栢芝好友 Yuki Lee的文章， Yuki在文中將栢芝描繪成賢妻良母，指栢芝一直啞忍負面報道，原因「係唔想頭家散」；但霆鋒就犯 6宗罪（詳見列表），她形容霆鋒得影帝實至名歸，因他不只對住觀眾做戲叻，「喺屋企亦都做戲。」
Yuki謂外界覺得霆鋒是好爸爸、好老公，實情他不理妻兒，「佢除咗喺產房出現過之外，喺屋企完全冇理過兩個仔……可以自己一個對住部電腦，成日都唔同個老婆兩個仔講半句說話。」她指鋒芝結婚多年，眼見夫妻每年同枱食幾次飯，「個老婆喺邊，唔知，個仔病，唔知又唔理。」

[size=20pt][b]鬧爆拉姑搞是搞非[/size][/b]
[img]http://hk.apple.nextmedia.com/images/apple-photos/apple/20110624/large/24ec1p3new.jpg[/img]
[size=8pt]謝霆鋒和張栢芝去年才帶同兩名兒子為拉姑賀壽，但此情卻不再。[/size]

坊間形容栢芝貪錢， Yuki反過來指霆鋒使老婆錢：「謝霆鋒𠵱家坐緊部保母車都係栢芝送畀佢……」她更指謝霆鋒借阿媽把口放料，「查小欣爆料，又話係狄波拉講，實情就係霆鋒借阿媽把口講晒啲嘢出嚟，目的就係逼栢芝開口同佢提出離婚……佢仲可以同人講係栢芝同佢離婚，唔關佢事㖭，將所有罪名推晒畀栢芝。」她又說：「法律上謝霆鋒同張栢芝依然係兩公婆，從來冇簽過任何離婚甚至分居紙，見兩個仔寧願出律師信都唔打個電話畀老婆。」
Yuki又鬧拉姑搞事：「狄波拉同人講栢芝冇權要兩個仔 o架，佢話兩個仔係姓謝，係屬於謝家，栢芝只係負責生……有人就惟恐天下不亂，不停將屋企嘅嘢周圍同人講。」她斥霆鋒最叻利用身邊人為他做事，「好似 2002佢頂包事件，開審期間不停叫栢芝為佢做呢樣做嗰樣，一知道唔使坐監，咪即刻一腳伸開栢芝。」 Yuki聲稱講出「真相」，但除鬧爆霆鋒外，卻未能道出霆鋒「逼」栢芝離婚的動機。
Yuki昨以手機透過加拿大網絡 Fido上載文章，湊巧栢芝的母親和姊姊戴碧芝身處加國，難免令人揣測文章的真正出處；而栢芝女助手 Andygaga刻意留言「這就是『事實』」，印證該文內容的真確性，與栢芝同行的經理人 Emily也轉發 Yuki的文章，並留言：「終於有人說出實情了。」其後她加多腳踩謝家，在微博說：「人是有底線的，單方面想維護家庭而啞忍是沒用的，到頭來只換來每天受到謝家傷害及中傷，好恐怖！」她們三人關係密切，栢芝肯定知兩女發功鬧謝家。

[size=20pt][b]鋒芝婚變成大新聞[/size][/b]
對於栢芝借友之口隊霆鋒，霆鋒經理人霍汶希（ Mani）昨在電話中說：「認識霆鋒嘅人或者睇住佢大嘅人都知佢係個乜嘢人，時間可以證明一切。」霆鋒後日現身北京宣傳《財神客棧》，可怕被追問回應？ Mani說：「佢係我行我素，實事求事嘅人。」栢芝發功或令婚變冇得掹， Mani則謂：「始終有因有果，係循環嘅，將來嘅事冇人知，身邊人所謂知情人士都唔應該評論，對兩個當事人好唔公平。」
霆鋒昨仍在大馬續拍新片《逆戰》，據悉美聯社及法新社記者已準備上京採訪，所以今次霆鋒露面隨時名揚國際。不過 Mani昨在尖沙嘴出席活動時否認霆鋒會交代婚變，但她踢爆鋒芝已沒有聯絡。而一向痛錫栢芝的老爺謝賢昨日在電話勞氣回應：「咁你問返佢。」[節錄...]

[size=20pt][b]家事鑑證科：狂砌霆鋒母子[/size][/b]
自稱是栢芝好友的 Yuki Lee，昨日透過微博瘋狂數臭謝霆鋒 6宗罪，更鬧埋霆鋒阿媽狄波拉，詞鋒狠辣不留情。

1〉狂打機懶理妻兒
「佢除咗喺產房出現過之外，喺屋企完全冇理過兩個仔，個仔行過佢身邊都可以當見唔到，淨係掛住打機……個老婆喺邊，唔知，個仔病，唔知又唔理。」

2〉收栢芝靚車名錶
「霆鋒??家坐緊部保母車都係栢芝送畀佢，佢手上戴嘅錶幾十萬，又係栢芝送畀佢

3〉利用拉姑爆大
「查小欣爆料，又話係狄波拉講，實情係謝霆鋒借阿媽把口講晒啲嘢出嚟，將所有罪名推晒畀栢芝

4〉出律師信要見
「見兩個仔寧願出律師信都唔打個電話畀老婆，究竟目的何在？咪又係逼栢芝開口同佢離婚囉

5〉拉姑周圍唱家
「佢（狄波拉）話兩個仔（孫）係姓謝，係屬於謝家，栢芝只係負責生……有人就惟恐天下不亂，不停將屋企嘅嘢周圍同人講

6〉頂包案利用栢
「好似 2002年佢頂包事件，開審期間不停叫栢芝為佢做呢樣做嗰樣，一知道唔使坐監，咪即刻一腳伸開栢芝。


來源:蘋果日報網站

[youtube]ImhVQ6LOLV0[/youtube]

霆鋒 Fans轟栢芝搞事 「為何還要纏着他」

[youtube]FNLvmkRZsSY[/youtube]

[img]http://hk.apple.nextmedia.com//images/apple-photos/apple/20110624/large/24ec1p6.jpg[/img]
[size=8pt]謝霆鋒被栢芝好友狂插，其粉絲抱不平，兩方隔空罵戰。[/size]

【鋒芝變之全面反擊】隨着張栢芝借友網上插爆謝霆鋒，有逾 7萬人加入的「謝霆鋒 FansClub」微博群組昨也終於沉不住氣，在微博撰寫千字文大反擊，踢爆栢芝幕後團隊搞風搞雨的七場戲，霆鋒粉絲更求栢芝放過霆鋒，反問「為何還要纏着他誣陷他？」

鋒芝婚變越玩越大，自稱張栢芝好友的 Yuki昨日在微博狂隊謝霆鋒，鬧他不是好丈夫好爸爸，指他不理妻兒，人前人後都做戲。獲 7萬 7千人關注的霆鋒微博粉絲團「謝霆鋒 FansClub」眼見偶像被踩，隨即火速還擊，有粉絲更撰寫洋洋千字的文章，列舉栢芝幕後團隊自製的七場戲，火藥味濃到衝天。


[size=20][b]列舉七場戲[/size][/b]
[img]http://hk.apple.nextmedia.com/images/apple-photos/apple/20110624/large/24ec2p1new.jpg[/img]
[size=8pt]霆鋒粉絲昨日在微博表態，指栢芝（小圖）經常自編自導。[/size]

霆鋒粉絲怒罵栢芝欺負霆鋒沒有微博發言平台，又指栢芝前晚離港後，其助手 Andygaga和經理人 Emily馬上轉發 Yuki的微博已另有意味；另一署名「樹欲靜．鋒不止」的粉絲在千字文中踢爆栢芝幕後團隊七場戲，包括陳冠希和栢芝爆出機艙事件後，栢芝團隊借粉絲舉證造假，豈料陳冠希承認事件屬實；繼而傳出霆鋒包二奶及與鍾欣桐傳緋聞，之後狄波拉中箭，栢芝突然生病，冒一號波上演親子騷，到昨日 Yuki在微博鬧爆霆鋒，相信栢芝團隊也算有成果。
霆鋒粉絲以退為進地說：「這些幕後團隊們是多麼的可愛，他們可愛是因為他們對女神（栢芝）的深愛啊。」又謂栢芝已離港，爛攤子就由霆鋒扛着，「謝霆鋒不就是個儍瓜麼，總是被女神耍，這次估計甚麼都沒有了，連公眾的同情，因為，全是謝霆鋒的錯。窗外陰雨密佈，是天為誰哭了。」

[size=20pt][b]「為何誣陷他」[/size][/b]
文末，霆鋒粉絲講到明想對一個傳統的真性情的女人張栢芝說：「謝霆鋒一直以來都不是一個好男人，也許比你所認識的更惡毒，只求你能放過他，就這一次，徹底的放手。還想對這些幕後團隊們說一句：從小到大的生活都在你們的眼皮子底下，為何還要纏着他誣陷他？」[節錄...]

來源:蘋果日報網站

唉，大窩野，快D結束了，好煩了已經覺得








[url=http://www.2000fun.net/]Hosting Server[/url]