「把聲又靚　鍾意表演」 詹瑞文睇好志雲做全能藝人

【志雲難局之安排後路】以扮陳志雲唯肖唯妙出名的詹瑞文，在新片《美麗密令》中繼續演電視台高層角色，再將近日被廉署拘捕的無綫總經理陳志雲擺上枱。繼日前詹瑞文公開勸陳總轉行後，昨日更提議陳總專心幕前，可成為一名多媒體藝人。

電影《美麗密令》昨日在九龍灣舉行宣傳活動，一班演員詹瑞文（詹 Sir）、吳君如、蔡卓妍（阿 Sa）及陳偉霆都有出席。詹瑞文在《美》片中扮演的「岑總」無論外形及風格，都似足近日被廉署拘捕的陳志雲，增加觀眾對電影的注目度。

以為脫離黑名單
被傳跟志雲不和的詹 Sir，日前更提議陳總轉行，他接受電話訪問時說：「以陳總咁好人緣，又拜師學藝，把聲又咁靚，鍾意表演，其實佢可以做一個跨媒體藝人。佢之前又做台前又幕後，變咗兩面都唔係做得咁好，今次之後或者可以借呢個機會專心台前發展。」不過詹 Sir笑言未有考慮跟陳志雲合作，他說：「做棟篤笑要兩個人好有默契，而且要識得自嘲先得。」另外，日前無綫娛樂新聞台主動訪問詹 Sir，令他以為自己已經從無綫黑名單中剔除，原來空歡喜一場，無綫事後公開表示不會播出該訪問。
吳君如在戲中要面對不少三點式挑戰，她說：「唔單止高海寧、梁政珏呢啲，連阿 Sa都着三點式。可能晶哥覺得我着都冇人睇，以前同李美鳳、張曼玉、邱淑貞拍《精裝追女仔》，佢哋個個都着三點式，我就一件頭，其實我嘅事業線都好強同深。」
採訪、攝影：藍文浩