否認跳樓跳車自殘 鄺敏慧性感反擊

o靚模鄺敏慧哭訴被崔建邦打傷，近日她被指喜歡自殘，曾以跳樓及跳車來威脅崔建邦公開戀情。昨晚除夕鄺敏慧以性感打扮亮相倒數活動，對自殘、跳樓及跳車報道逐一反駁，並笑說：「佢住 2樓咋噃。」

崔建邦上周二涉嫌打傷 o靚模女友鄺敏慧，翌日鄺敏慧向傳媒展示二人親熱照，並大爆被崔建邦以鉸剪腳箝頸，及不止一次被他毆打。之後鄺敏慧一直躲在家中未見露面，直至昨晚除夕夜，鄺敏慧終於現身，以性感打扮出席尖沙嘴倒數活動。
問有否留意近日新聞，她說：「好多謝公司悉心安排，我呢幾日睇唔到任何報道同消息。佢哋畀我留喺屋企平伏心情。」對於她自殘、跳樓及跳車報導，她說：「冇留意，佢屋企住 2樓咋噃！跳車？睇戲咩？呢啲警匪片先有。」那麼可有自殘？鄺敏慧說：「我一路有行騷，一路有露肩露手，大家都睇到 o架。」有指她想公開戀情，她否認說：「新一年嚟咗，舊嘅嘢由佢過去，唔開心唔想再提、唔想諗，交咗畀警方處理。」

鄺敏慧被玩黑面
對於有人成立反委屈崔建邦群組，她說：「你講我先知，冇特別留意。」問中巴會否覺得委屈？她說：「冇嘅，我鶽家專注工作，唔想身邊人擔心自己就 OK啦。」有否因此事令工作量增多？她說：「同平時差唔多，冇多亦冇少。」她又稱不認為因此事令她工作增多或出名，「我只係正常人，做普通市民會做嘅嘢。」有指她博宣傳，她則否認：「公司話俾我聽會有好多負面新聞，總之我只係平常人做嘅嘢，唔覺咁係博宣傳。」
開場後，司儀介紹中巴混血 o靚模鄺敏慧出場，全場立即起哄。當時張繼聰亦在台上，司儀陸浩明遂問張繼聰說：「你遲啲會接替某人主持《勁歌》，會唔會多謝中巴？」張繼聰抵死說：「我住新界，搭九巴多啲。」之後大會安排鄺敏慧玩《正識第一》，要數「崔」字的筆劃，鄺敏慧即時不悅黑面。

謝安琪力撐邦邦
此外，謝安琪（ Kay）前晚到銅鑼灣為其唱片推出的寫真影集舉行簽名會。有指張繼聰將會取代崔建邦擔任無綫《勁歌》總選主持， Kay即說：「我唔知呢件事，如果係就恭喜佢，呢次都係演出機會，我應該唔去，暫時都收唔到任何改變嘅決定，我會喺心中支持佢。」對於多得崔建邦的帶挈才明益張繼聰， Kay就坦言與崔建邦是好朋友，她不諱言等事件平靜之後會致電慰問他，她說：「同佢老友，佢有型、風趣、得意同有天份。」