Mango否認靠黐上位

被郭富城一句「佢諗多咗」而慘被飛出局的王秀琳（Mango），城嫂夢碎，但感情路上已火速有着落，近日被指夜蒲後坐富豪曾文能的座駕回家，靚車一部接一部，「升呢」成功。

昨晚Mango出席活動時，一副有備而來的樣子說：「我覺得好無聊，曾文能係我公司老闆之一，嗰晚同好多人一齊，同佢乜事都冇，佢亦冇特別照顧我，（同城城冇關係？）冇男友，（有冇同城城SMS？）唔講啦。」她說不知道該夜店在城城的寫字樓附近，又澄清在內地有很多工作，不開心被暗示靠黐。另外，城城跟鄭伊健到新加坡出席《風雲II》全球首映儀式，獲近千名fans圍觀。二人聯同導演彭氏兄弟用毛筆寫下「風雲再現」四個大字，表示對票房相當有信心。