徐子淇伯父惹金錢糾紛 李家誠撐愛妻冇敗壞家聲

[url=http://hk.apple.nextmedia.com/template/apple/art_main.php?iss_id=20091118&sec_id=462&subsec_id=466&art_id=13431180]http://hk.apple.nextmedia.com/template/apple/art_main.php?iss_id=20091118&sec_id=462&subsec_id=466&art_id=13431180[/url]

徐子淇伯父徐傳文 9月被爆金錢糾紛，追債人近日將目標轉移到徐子淇身上，在中環鬧市拉宣傳架要求她幫手解決。徐子淇昨日表明再受騷擾會採取法律行動，老公李家誠更力撐護妻，講明不覺影響李家聲譽。

千億新抱徐子淇伯父徐傳文惹金錢糾紛，前日有人分別在中環四季酒店及干諾道行人天橋拉橫額及放置易拉架，公開要求徐子淇代為聯絡其伯父還債，追債人將目標轉移到徐子淇身上，要求她出手協助解決事件。

與伯父少聯絡徐子淇昨日和丈夫李家誠（ Martin）一齊到科技大學，支持老爺李兆基在科大李兆基校園的動土禮，眾人冒寒在空曠地盤吹風，子淇不時依偎着李家誠傾偈取暖。李家保安無明顯加強，反而科大派出不少保安保護。
一身 Gucci褸拿着 LV袋的子淇被問到伯父錢債糾紛時，她再次重申：「呢件事同我、同我爹哋冇關，生意上嘅糾紛我哋唔清楚，唔知邊個啱、邊個錯。佢唔應該用唔合法嘅方法嚟騷擾我。」問她有否致電伯父徐傳文了解事件，子淇說：「我同大伯由細到大都少聯絡，我連佢電話都冇，邊個爭邊個錢都唔知。」中環拉橫額針對她，可會採取法律行動？她說：「考慮緊，呢件事與我冇關，如果再騷擾我哋，都會處理。」

「拉橫額唔合法」問子淇若伯父經濟出現難關，會否幫手？身旁的李家誠即搶答說：「暫時佢都冇講。」怕不怕影響李家聲譽？李家誠力撐愛妻說：「我哋唔會咁諗。我覺得佢哋應該通過法律途徑解決，佢哋喺公眾場所拉橫額係唔合法。」至於會否擔心人身安全，子淇即說：「唔會，做人行得正、企得正，唔會擔心。」有指父親徐傳順禁止她插手，子淇說：「冇，根本係插唔到手，我都唔了解件事。」
採訪： Jessica Ngan
攝影： Chen Wai On