傳穎谷淚埋齌二招挫Stephy

傳穎谷淚埋齌二招挫Stephy                                                                                                      本文重點
                      [list][*][url=http://orientaldaily.on.cc/cnt/entertainment/20090723/00282_006.html#para3]即場換書交戲[/url][*][url=http://orientaldaily.on.cc/cnt/entertainment/20090723/00282_006.html#para5]否認小方騙愛[/url][/list]                    

                    
                  
                                        「宿敵」鄧麗欣（Stephy）和傅穎（Theresa）昨日難得碰頭10分鐘，卻全程零交流，連合照亦離行離列，傳聞中失寵的Theresa先以聲勢浩大的fans群助戰，再指揮Stephy望鏡頭，最後更絕地以淚眼攻勢反攻，搶贏宿敵風頭！
                                                                                        「宿敵」Stephy和Theresa是非不絕，昨日書展開鑼，兩人冤家路窄竟在同日出書掀惡鬥，更以黑白雙煞look正面交鋒，Stephy穿黑色斜膊裙騷香肩，Theresa則穿自畫白tee騷長腿，還自爆穿回去年UFO走光的打底褲，結果失寵的Theresa因露得較多較性感穩勝第一場。現場所見，兩女各獲400位fans撐場，打成平手，不過Stephy就搶得頭啖湯搞簽書會，fans舉燈牌兼送花嗌足10分鐘，但Theresa的fans則打鑼打鼓，兼叫到拆天，聲勢之浩大力壓Stephy一族。Theresa更自爆：「我知啲籌炒到百幾蚊個。」
                          [table]                [tr]                  [td]                                                                                                              [url=http://orientaldaily.on.cc/cnt/entertainment/20090723/photo/0723-00282-006b2.jpg][img]http://orientaldaily.on.cc/cnt/entertainment/20090723/photo/0723-00282-006p2g2.jpg[/img][list][*]Stephy搶飲頭啖湯先舉行簽名會，在場傳媒瘋狂拍照。[/list][/url]                                                                     
              [/td]                                                                        [td]                                                                                                              [url=http://orientaldaily.on.cc/cnt/entertainment/20090723/photo/0723-00282-006b3.jpg][img]http://orientaldaily.on.cc/cnt/entertainment/20090723/photo/0723-00282-006p3g2.jpg[/img][list][*]Theresa到場時獲場內眾多fans打鑼打鼓兼喪嗌支持，聲勢極之浩大。[/list][/url]                                                                     
              [/td]                                                                                      [/tr]                [/table]                                                                                                                                                    即場換書交戲                由於兩女緊接搞簽書會，造就碰頭機會，但合照時卻企到離行離列，明顯Theresa與連輸兩場的Stephy面和心不和，最後要記者三催四請，她們才肯並肩合照。期間，Theresa還指揮Stephy望鏡頭，Stephy則說趁機換書交戲，但全程冇傾偈零交流。
                                                                                                                                                                    搶得頭啖湯的Stephy說：「好緊張，大家搞到我好似結婚咁，一早醒咗瞓唔着。（同Theresa換書泯恩仇？）冇恩仇，一早準備好，佢唔送我都會買。」至於有雜誌指Theresa書中自爆的愛情騙子是其緋聞男友方力申，Stephy力撐小方說：「Theresa話唔係公司同事，唔好再估。」
                          [table]                [tr]                  [td]                                                                                                              [url=http://orientaldaily.on.cc/cnt/entertainment/20090723/photo/0723-00282-006b4.jpg][img]http://orientaldaily.on.cc/cnt/entertainment/20090723/photo/0723-00282-006p4g4.jpg[/img][list][*]Theresa被fans打動突然谷淚。[/list][/url]                                                                     
              [/td]                                                                        [td]                                                                                                              [url=http://orientaldaily.on.cc/cnt/entertainment/20090723/photo/0723-00282-006b5.jpg][img]http://orientaldaily.on.cc/cnt/entertainment/20090723/photo/0723-00282-006p5g4.jpg[/img][list][*]Paco（左）和陳輝虹齊現身撐Stephy與Theresa的簽名會。[/list][/url]                                                                     
              [/td]                                                                        [td]                                                                                                              [url=http://orientaldaily.on.cc/cnt/entertainment/20090723/photo/0723-00282-006b6.jpg][img]http://orientaldaily.on.cc/cnt/entertainment/20090723/photo/0723-00282-006p6g4.jpg[/img][list][*]僅靠傅穎書內的文字，實在難以看出誰是「愛情騙案的兇手」。[/list][/url]                                                                     
              [/td]                                            [/tr][tr]                                          [/tr]                [/table]                                                                                                                                                    否認小方騙愛                至於緊接Stephy搞簽書會的Theresa，否認兩人零交流，只推說或許大家心情太緊張，她又否認小方是她書中的愛情騙子：「唔係公司人，我唔會講大話，但亦唔會公開，唔想影響人影響自己。（陳輝虹話係幽靈？）佢好幽默，可能佢唔想牽連公司咁多人，總之我唔係老作做新聞，唔真實冇意思。」由於Stephy今次新書是虛構的愛情小說，記者即追問Theresa是否寫小說便沒意思？她說：「唔係，我講自己啫。」
                                                                                                                                                                    簽書會結束後，Theresa突然一招眼紅谷淚：「好感動，fans咁支持我，見到fans喊我都喊。」雖然Stephy當時已離場，不過Theresa立即再成為傳媒焦點，可謂連尾彩都攞埋！
                                                                                                                                                                    採訪：音樂組




[url=http://orientaldaily.on.cc/cnt/entertainment/20090723/photo/0723-00282-006b1.jpg][img]http://orientaldaily.on.cc/cnt/entertainment/20090723/photo/0723-00282-006p1g1.jpg[/img][list][*]Stephy（左）與Theresa合照期間，趁機邊說「交換啦、交換啦」邊換書交戲，認真識做。[/list][/url]                                                                                                                           

東方日報
http://orientaldaily.on.cc/cnt/entertainment/20090723/00282_006.html