薛凱琪抗拒富家子男友

薛凱琪抗拒富家子男友                                                                                                        薛凱琪（Fiona）昨日到電台接受查小欣訪問，提到早前拍戲又要錄音，每日只得五小時睡眠，現電影拍畢，可專心錄新碟，而新碟有快、中、慢版歌曲，由不同監製負責有新鮮感，她又坦言羨慕衞蘭推出英文碟，會試吓向公司提議也出英文碟，但都要搞埋張廣東碟先。
                                                                                        另外，提到房祖名做媒介紹了億萬富家子給周迅認識做男友？Fiona謂：「係咩，我完全唔知，因為我唔睇報道又唔八卦，自己都係圈中人，都明白大家需要私隱，所以唔會問人哋嘅嘢！（想唔想有富家子男友？）呢個唔係自己頭號選男友條件，反而仲會避忌添，因為驚有是非，而且通常感覺有錢都係花心啲。」





東方日報
http://orientaldaily.on.cc/cnt/entertainment/20090714/00282_018.html