基仔英皇登位 梁炳講明唔熟

古巨基早前因不續約金牌大風而引來連串是非，基仔昨日終於在北京舉行簽約儀式，正式加盟英皇。早前曾暗寸基仔搞是非的梁漢文（梁炳）昨日坦言跟基仔不熟，但仍祝福他事事順利。

古巨基昨日在北京舉行「英皇娛樂古巨基登基大典」，正式簽約加盟英皇，記者會斥資過百萬元，現場有八名武士高舉八項寫有基仔威水史的奏摺，之後基仔出場登上龍椅。英皇行政總裁吳雨與基仔進行簽約儀式，他表示公司從來沒有男歌手得過最受歡迎男歌手獎，故會全力為基仔爭取。
盼執導筒償願基仔表示會專注製作新廣東碟及國語碟，並希望執導筒拍電影，一償做導演心願。問基仔過檔英皇是否適應，是否與鄭中基不和有關？他說：「總之以往幫過我嘅人，我好多謝佢哋。」基仔將於本月 5日在澳門舉行另一次簽約儀式。他昨午又於個人網誌寫上：「新的開始，一起努力。」
另外，一班金牌歌手方力申、鄧麗欣（Stephy）、小肥和梁漢文昨日於尖沙嘴出席「第二屆全港運動會閉幕典禮」，梁炳早前曾寸基仔搞是非，他昨日一改口風，並說：「轉公司好普通，見面唔會尷尬，我同佢唔係太熟。」問梁炳會否祝福基仔大展鴻圖？他說：「會，祝佢事事順利，樂壇𠵱家唔順境，大家坐埋同一條船。」梁炳又指不再回應與自己無關的新聞，他說：「記者問到咪幫吓手回應，點知牽涉入去好無謂，答埋今次唔答啦。」當小肥透露之前基仔曾向他表明去向，梁炳在旁說：「佢真係有同你講過去英皇咩？」

tephy覺得基仔離巢，有如少了一個家人。小方則指早前於錄音室與基仔見面，基仔曾提及過檔一事。問到小方會否追擊男歌手獎？他說：「唔會啦，一步步做好本份。」

http://hk.apple.nextmedia.com/template/apple/art_main.php?iss_id=20090601&sec_id=462&subsec_id=830&art_id=12823027