廚房玩出火　小方梁炳當眾嘲弄　 Freeze：佢哋完全侮辱女人

廚房玩出火　小方梁炳當眾嘲弄　 Freeze：佢哋完全侮辱女人
Freeze上周二（ 19日）為《美女廚房》錄影撚幾味，竟然撚出火。方力申試食由她們炮製的鵝掌後大嗌：「好鹹！」估唔到 Freeze石詠莉向小方爆出一句：「咪似你囉！」矛頭直指形象健康的小方。
有人寸爆踩場，小方試食炸鮮奶時即罷食反擊：「唔食喇！啲奶假嘅！」
廚房開火，非同小可。事後小方承認「假奶言論」乃一時口快，望平息風波，但 Freeze認為他並非道歉。此外有工作人員更向本刊爆料，直指當晚在非錄影時段，梁漢文為了替小方出氣，竟雙眼厲住 Freeze，向小方細聲講：「喂！喂！有假胸睇呀！」當眾嘲弄三嬌人工身材。成員之一陳樂榣接受本刊訪問時表示，自己亦親耳聽到，並炮轟：「咁講完全係侮辱女人！」


事件相隔多天後， Freeze仍未能息怒，其中被寸到應嘅石詠莉只能用「無奈」兩字來形容此刻心情，她說：「雖然佢（方力申）事後喺報章補鑊，承認有失言，但呢啲唔係道歉囉，佢咁講係反擊我講佢鹹濕之嘛！我覺得好無奈，始終我哋係後輩！」
所謂「先撩者賤」，小方反擊其實亦情有可原。石詠莉解釋：「我唔知佢之前有呢類新聞，可能佢對號入座咗就嬲喇，我冇心挖苦佢，我當時已經補咗一句『好似你啲汗咁鹹』，而甄穎珊仲話：『好似你游水啲水咁鹹』，但佢依然好嬲。之後聽到佢話『假奶』，我就諗係咪已經得罪咗佢呢？」石詠莉自出道以來堅稱身材如假包換，「我都要顧及番我隊員嘅感受，佢咁講唔係咁君子，直頭人身攻擊。」

[img]http://hk.sudden.nextmedia.com/images/next-photos/SuddenWeekly/722/160pixfolder/A722-043/p1_box01.jpg[/img]

Freeze當晚合力炮製三道菜，最終成為全場最低分。事後陳樂榣（右一）說：「評分控制唔到，不過掟嘢就教壞小朋友！」


[img]http://hk.sudden.nextmedia.com/images/next-photos/SuddenWeekly/722/160pixfolder/A722-043/p1_02.jpg[/img]
當日小方被寸「鹹」後立即黑面，並罷食及揶揄三嬌「假奶」反擊，離開錄影廠依然燶面示人。

[img]http://hk.sudden.nextmedia.com/images/next-photos/SuddenWeekly/722/160pixfolder/A722-043/p1_inside01.jpg[/img]
最近有報道指方力申被 17歲美少女廚神 Rainbow餵食後對她嗒糖，更攞人電話邀約開 P。難怪他當日被石詠莉話「鹹」時會反應咁大。


[img]http://hk.sudden.nextmedia.com/images/next-photos/SuddenWeekly/722/160pixfolder/A722-043/p1_03.jpg[/img]
本周一（ 25日），記者向小方問及「假奶事件」，他連問題都唔聽就索性話：「冇乜好傾！」身旁梁漢文即替兄弟打圓場，「你哋（指記者）唔好咁啦！」





斥小方 EQ低
身材真被當假，石詠莉氣難下，可惜真正「打假波」，曾接受隆胸手術的甄穎珊，俾小方寸依然懵盛盛，她說：「我初時第一個反應係以為方力申話啲奶有三聚青氨。雖然人哋把口我控制唔到，但係佢應該冷靜啲， train吓自己 EQ先啦！就算個胸係假，隆咗胸啲奶都唔會係假！」石插嘴：「希望 TVB唔好 cut咗嗰段，俾觀眾感受吓，評吓道理！」

梁炳為老友出氣
小方「假奶言論」甚具話題性，斷估 TVB會足本播放，不過梁漢文於鏡頭後的戲言，觀眾就無法回味。有工作人員踢爆當晚在非錄影時段，梁曾當眾嘲弄 Freeze假胸，「嗰時準備緊炸鮮奶環節，成班主持啲咪冇收音，梁炳嗰陣就用膊頭撞一撞小方，同佢細細聲講『喂！喂！有假胸睇！』兩個人望一望 Freeze之後就大笑！」為此陳樂榣亦向記者承認：「係有咁嘅事！冇諗過呢啲說話會出自佢把口，佢哋形象咁健康，應該收歛啲，咁講完全係侮辱女人！」此時石詠莉亦加把口：「有邊個男人唔鹹濕！我哋都係講吓笑，希望大家唔好咁敏感啦！」

[img]http://hk.sudden.nextmedia.com/images/next-photos/SuddenWeekly/722/160pixfolder/A722-043/p3_01.jpg[/img]
冇諗過咁大件事！周一（ 25日）梁炳再入廠為《美》錄影時，對「假奶事件」回應：「我都係搞吓氣氛啫，冇諗過咁大件事！你哋（指記者）有冇睇過我哋嘅節目㗎！一定會係咁㗎啦！」


[img]http://hk.sudden.nextmedia.com/images/next-photos/SuddenWeekly/722/160pixfolder/A722-043/p3_02.jpg[/img]
掟嘢好玩，新奇又刺激！鄭中基否認為幫兄弟出氣而罷食掟碟，他說：「其實我唔食得奶，對奶敏感，我都唔係第一次掟嘢㗎啦，掟嘢好玩，新奇又刺激。」

[img]http://hk.sudden.nextmedia.com/images/next-photos/SuddenWeekly/722/160pixfolder/A722-043/p3_03.jpg[/img]
乜佢哋同小方有結怨咩？監製錢國偉表示當晚已聞到火藥味，他反問記者：「乜佢哋（ Freeze）同小方有結怨嘅咩？不過我冇聽過佢哋投訴，投訴先算啦。」


[img]http://hk.sudden.nextmedia.com/images/next-photos/SuddenWeekly/722/160pixfolder/A722-043/p3_04.jpg[/img]
Freeze被三主持圍攻，當時評判之一周中師傅就睇唔過眼，幫口說：「我自己都好鹹㗎。」


小方迴避拒談周二（ 25日），梁漢文被問到私下曾就 Freeze人工身材而與小方細聲講大聲笑時，他反應甚大：「我冇講過，你哋唔好諗太多，我哋點解唔尊重佢哋！其實我哋都係想帶啲歡樂氣氛俾大家啫！」之後小方準備入廠拍《美女廚房》時，正當記者上前訪問時，他劈頭一句就話：「唔傾喇！都冇乜嘢傾，問親都係衰嘢！」似乎有人已向小方通水，在旁的梁炳見氣氛僵持，立即幫口說：「你唔答，咁咪得我一個講，其實我明白你哋嘅工作需要，但冇諗過會搞到咁大件事。」而小方此時亦主動搭一搭記者膊頭講「唔好意思」，之後就立即飛奔入廠。

      
中基怒掟炸奶
小方被笑「好鹹」，做兄弟的鄭中基當然不惜兩脇插刀幫老友。當日他就一手將 Freeze的炸鮮奶，猛力掟向牆上布景板。周一（ 25日），鄭中基亦未有否認掟碟，「我都唔食得奶嘅，我對奶有敏感，啲奶好黐，所以咪掟囉，好玩吖嘛，新奇又刺激！我都唔係第一次掟嘢，之前 Yumiko都試過㗎啦！」本刊嘗試聯絡當日在場做評判的周中師傅及嘉賓 Hotcha， Hotcha說：「佢哋（指主持）都係玩吓啫，可能想搞氣氛啦。」而周中則至截稿前仍未回覆。

被寸假奶後一日，石詠莉即在自己 blog內反擊，澄清自己身材堅過石堅之外，更暗寸方力申和鄭中基掟筷子掟碟幼稚。

開火足本睇
今次《美女廚房》 Freeze擔任嘉賓辣㷫全廠，一個「鹹」字和一句「假奶」，釀成三男鬥三女局面。
● 當方力申試食 Freeze煮的「百花鮮掌」時說：「好鹹呀！」
● 石詠莉：「咪似你囉！」
此時小方當堂黑面。石詠莉補鑊說：「好似你啲汗咁鹹！」
● 甄穎珊打圓場：「好似你游水啲水咁鹹呀！」但小方依然面燶燶。
● 之後，現場工作人員正為下一個環節準備，所有咪亦停止收音。此時一行三人的 Freeze剛在評判座位前經過，當時梁炳望一望 Freeze後，就立即向小方打眼色，用膊頭撞一撞對方，「喂！喂！有假胸睇呀！」二人在 Freeze面前隨即陰笑。
● 到試食 Freeze的「大良炸鮮奶」時，小方趁機反擊。
● 梁炳望向小方說：「喂！快啲試啦！」
小方：「我真係唔食喇，啲奶假嘅！」與此同時出力將筷子拍落枱，現場觀眾亦睇到嘩嘩聲。
● 鄭中基火上加油幫口：「我收到晒你哋嘅對話喇，完全唔使試！」更一手將面前那碟鮮奶掟向牆上， Freeze三人無奈儍笑。

[img]http://hk.sudden.nextmedia.com/images/next-photos/SuddenWeekly/722/160pixfolder/A722-043/722_00_copy.jpg[/img]
[img]http://hk.sudden.nextmedia.com/images/next-photos/SuddenWeekly/722/160pixfolder/A722-043/431.jpg[/img]
[img]http://hk.sudden.nextmedia.com/images/next-photos/SuddenWeekly/722/160pixfolder/A722-043/432.jpg[/img]

當日既現場觀眾，寫低左事情發生既經過，可以去參考下再定論！

[url]http://www.discuss.com.hk/viewthread.php?tid=9748665&extra=page%3D1[/url]