反對改結局開續集 祥仔讚柴九死得圓滿

無綫劇集《巾幗梟雄》熱爆全城，全體演員馬不停蹄宣傳，希望下周結局篇收視繼續攀升。至於本報率先披露柴九病死的結局，黎耀祥大讚結局完美，並謂不希望更改結局。

近期熱爆的無綫劇集《巾幗梟雄》中蔣家四位太太謝雪心、商天娥、惠英紅和鄧萃雯，以及男主角黎耀祥昨日在將軍澳電視廣播城接受吳君如和錢嘉樂主持的《星星同學會》訪問。

雯女上網睇留言祥仔自《巾幗》播映以來，都力讚劇本出色，一班幕後人員居功不少，他說：「都係劇本寫得好，先有咁好嘅效果，我覺得 25集都差唔多，如果有多五集就仲好。」本報早已率先披露《巾幗》柴九在大結局中感染肺癆死在四奶奶鄧萃雯懷中。
談到無綫之前曾試過改寫劇集結局以迎合觀眾，又會拍續集添食，祥仔謂不贊成改結局，他說：「我覺得保持原汁原味最好，觀眾係會鍾意，死好似係好 sad咁，其實死唔一定係 sad，每個人都有佢條命，呢個係圓滿下場，一個完美結局，續集應該唔會。」
鄧萃雯對於《巾》劇收視和口碑都非常理想，感到很高興，她說：「真係可遇不可求，今次套劇我估唔到連年輕人都話好睇，令我喜出望外，之前 Laughing哥（謝天華）喺網上咁大反應，今次我都忍唔住上去留言版睇吓其他人嘅意見，我覺得套劇有《大長今》嘅反應。」
雯女續說：「喺網上我見到好多人睇完都會研究劇入面嘅詞語同哲學，好似點樣管理四個老婆，同埋有人會問罄竹難書點解，又即刻有人會喺網上寫注解。」

http://hk.apple.nextmedia.com/template/apple/art_main.php?iss_id=20090523&sec_id=462&subsec_id=830&art_id=12790640