2009-5-15 20:15
JICKYLE
伊能靜要活出真我
[url=http://orientaldaily.on.cc/cnt/entertainment/20090515/photo/0515_00282_073b1.jpg][img]http://orientaldaily.on.cc/cnt/entertainment/20090515/photo/0515_00282_073p1g1.jpg[/img][list][*]伊能靜認為新女性有權選擇自己的路。[*]一段感情、一件事件開始與結束，內裏都是千絲萬縷，有理說不清。伊能靜與黃維德拖手戀情曝光，之後伊能靜、庾澄慶宣布離婚，結束九年婚姻關係，到今日她依然強調與第三者無關，說到底是她想選擇過自己的生活，一如時裝設計師Co CoChanel、畫家潘玉良等對傳統叛逆，伊能靜說：「我要做自己的legend。」
伊能靜：伊 記者：記
[table] [tr] [td] [url=http://orientaldaily.on.cc/cnt/entertainment/20090515/photo/0515_00282_073b2.jpg][img]http://orientaldaily.on.cc/cnt/entertainment/20090515/photo/0515_00282_073p2g2.jpg[/img][list][*]對於前夫庾澄慶，伊能靜表示好多謝他。[/list][/url]
[/td] [td] [url=http://orientaldaily.on.cc/cnt/entertainment/20090515/photo/0515_00282_073b3.jpg][img]http://orientaldaily.on.cc/cnt/entertainment/20090515/photo/0515_00282_073p3g2.jpg[/img][list][*]伊能靜多次強調需要自由。[/list][/url]
[/td] [td] [url=http://orientaldaily.on.cc/cnt/entertainment/20090515/photo/0515_00282_073b4.jpg][img]http://orientaldaily.on.cc/cnt/entertainment/20090515/photo/0515_00282_073p4g2.jpg[/img][list][*]放大圖片[/list][/url]
[/td] [/tr][tr] [/tr] [/table] 記：事件告一段落之後，最想做甚麼？
伊：旅行，但暫時都未做到，因為責任，公司想我做嘢，唔想被外間覺得事件影響到無人搵我做嘢，其實我工作仲多過以前。事件中我有內傷，畀人踩，認為女人有勇氣找尋自己生活係唔啱，要犧牲與奉獻，有人覺得女人入咗家庭就要犧牲與奉獻而消失，我與傳統價值不同，新時代女性只要安排得適當，有權去選擇自己的路。
記：目前工作上想做甚麼？
伊：想做電影，與黃百鳴傾拍開心鬼校園片，依家做個小小製片，集合我過往在娛樂圈學到的東西，好似小學生剛上學，熱愛新生活。
[url=http://orientaldaily.on.cc/cnt/entertainment/20090515/photo/0515_00282_073b5.jpg][img]http://orientaldaily.on.cc/cnt/entertainment/20090515/photo/0515_00282_073p5g7.jpg[/img][list][*]放大圖片[/list][/url]
離婚感覺藍天白雲 記：如果你用呢個比喻形容你工作感覺，你點形容離婚之後嘅感覺？
伊：（衝口而出）藍天白雲，（突然間她有點遲疑）咁樣講，好似講到以前好唔好咁，咁樣好唔公平，總之係我個人問題。16歲開始一個人生活，我係可以咁樣嘅人，喺放鬆、自由之下，可以吃任何苦。（你好強調自由？）冇辦法，我想做番自己，我唔會憧憬有錢，當我人生最富有時就係我最唔開心嘅時候，我廿七、廿八歲時最紅最有錢，記得那時拍電影《好男好女》，突然想到我冇住過自己買嘅豪宅，冇坐過自己嘅名車，冇自己嘅生活，只係不停工作，到那一刻我終於明白，自由好重要，直至呢一刻好清楚終於知道自己要甚麼。我嘅自我咁強，某程度係自私，等於我媽媽常問我要甚麼，我答想要我自己，佢唔明。媽咪成日話為我哋犧牲，失去了自己，所以我唔會為了兒子小哈利而選擇犧牲。
記：與媽咪關係嘅理解，你點樣去處理兒子關係，有甚麼會做，有甚麼不會做？
伊：我同小哈利講，我唔係你嘅，我好愛我自己，我同佢講有你好幸福，但我唔會天天陪住佢，除非佢健康有問題好需要我，咁樣我可以連奧斯卡女主角都唔要，否則我唔要做一個菲傭。最近母親節見佢，我問佢依家少咗返嚟（台灣）ＯＫ嗎？佢話冇問題，只要我陪佢傾偈。佢又主動話已經知道離婚件事，連同學都問佢，佢叫同學唔好再問啦，一個七歲嘅小孩已懂得處理。
記：你選擇自己生活，放棄婚姻，是對傳統反叛？
伊：我想對啲廿幾歲嘅女仔講，唔好以傳統幸福作為目標，如果係嘅話，點會有Co Co Chanel、潘玉良？我冇話自己係傳奇，起碼我係自己嘅legend，活出我想要的！
[url=http://orientaldaily.on.cc/cnt/entertainment/20090515/photo/0515_00282_073b6.jpg][img]http://orientaldaily.on.cc/cnt/entertainment/20090515/photo/0515_00282_073p6g13.jpg[/img][list][*]放大圖片[/list][/url]
唔要兒子為佢犧牲 記：選擇離婚，選擇要回自己的生活，過程中哪些處理得好，哪些不好？
伊：處理得好係我沉默了半年，吃了半年苦好有價值，唔好係已經過咗去，我唔想再提，怕牽扯太多，會變得複雜。（有否做錯嘅地方？）我想好誠實、好坦白，但之後是無盡嘅扭曲，影響好多人，尤其對沉默嘅人唔公平，所以都係唔講啦！對於小哈利我會講我冇選擇為你犧牲，也不要你長大之後為咗乜嘢媽咪身體唔好而犧牲，我同佢強調佢唔係為我而生存。
記：同哈林仲有冇見面？
伊：有聯絡也有見面。（見到感覺點樣？）好多謝佢，（黃維德呢？）冇聯絡（停一停）總之成件事想講心裏面充滿感激，嚟到呢一刻係開心，自己十幾歲最苦時曾想過，想有一個兒子、有工作、有朋友就開心，現在做到啦！
開心HotCha是fans 離婚事件沒有影響伊能靜的鬥志，也沒有影響到她的工作量，手上有不少廣告、電影工作外，還會來香港出唱片。她提到日前遇上HotCha時，對方竟然識得唱她的《電話中擁抱你》，令她十分開心。七月她會推出唱片ＥＰ，她更打算在香港置業。
[/list][/url]
東方日報
http://orientaldaily.on.cc/cnt/entertainment/20090515/00282_073.html