基仔減價焗簽英皇

古巨基約滿金牌大風後，終以 1,000萬賣身英皇 3年，據悉他起初開價 1,500萬，同時向金牌與英皇招手，但激怒舊公司後，英皇與他討價還價，最後減掉 500萬成交。

古巨基今年2月中約滿金牌大風後，遲遲不肯續約，更暗地跟其他公司談合作，終於激怒大老闆鄭東漢飛起他。原本基仔與英皇為合作價錢還在拉鋸中，但他與金牌大風決裂後，惟有主動降價 500萬，而英皇在面臨謝霆鋒即將離巢，必然要人填補其空缺，所以最後答應以 1,000萬羅致基仔。

不過基仔轉投英皇是非多多，有指基仔離開金牌大風，完全是因為不滿鄭東漢要擺歪基仔恩人黃柏高（Paco），然後捧兒子鄭中基做公司 CEO，所以基仔決定不續約，以洗刷忘本形象。此事激怒了鄭中基，炮轟基仔不要搞是非，而Paco也不想被人過橋，公然表示自己調職與基仔去留完全沒關係。
基仔接受無綫《東張西望》的訪問於今晚播出，訪問中他強調是因為Paco不會再管經理人及唱片部，所以才離開金牌大風，他表示與Paco關係良好，很體諒對方處境。他又表示不想逐點回應鄭中基的指摘，坦言明白每人做任何事都有目的，商業機構的決定也有它的原因。經過今次事件，基仔：「睇到邊啲係朋友，邊啲唔係。」
鄭中基連日來數落基仔，日前更否認做金牌CEO，不過他上月接受梁奕倫電視訪問時，曾表示會慢慢學做屋企生意，因此被指前言不對後語。鄭中基昨日接受電話訪問說：「嗰個訪問一開頭我都話嗰輪冇新聞搵我嚟搞，主持係要追問我咪是但答囉，到𠵱家咁嘅環境，我覺得唔可以再hea住答，咪斬釘截鐵話我唔會做囉。我𠵱家再強調，所有公司嘅行政嘢我都唔會做，以後唔使咬住我唔放啦。」
                                                                                                                                鄭中基未㷫完鄭中基謂假如他真的做CEO是騙不過人，他說：「𠵱家拗我做唔做，根本就係轉移視線，我老竇話齋講多無謂，做就最實際，大家咪睇囉，睇我會唔會咁面懵講一套做一套囉。」至於霍汶希（ Mani）指金牌狂轟基仔是想「整死人」，鄭中基說：「Mani話要好嚟好去㖭，咁係邊個擺我上枱先，我對古巨基一向冇嘢，佢主力做音樂，我主力拍電影，大家冇衝突，點解轉會要搞着我呢？好嚟好去唔好咩？」他謂此事對他來說告一段落，以後不再回應。

資料來源：蘋果日報

佢去邊我都咁鍾意佢o家啦

不過我覺得基仔去英皇好好多
起碼人地真係會用好多錢去谷佢呀
係金牌都唔會o既

佢去邊我都咁鍾意佢o家啦

[quote]原帖由 [i]meta[/i] 於 2009-5-15 11:23 發表 [url=http://www03.ktzhk.com/redirect.php?goto=findpost&pid=23728700&ptid=1023995][img]http://www03.ktzhk.com/images/common/back.gif[/img][/url]
不過我覺得基仔去英皇好好多
起碼人地真係會用好多錢去谷佢呀
係金牌都唔會o既

佢去邊我都咁鍾意佢o家啦 [/quote]

梗好架，
入英皇又唔使點識唱歌，
得閒陪吓闊太俾老細搞吓就百幾萬囉，
歌迷又唔使佢自己操心，有活動公司自動出錢請番百零個女仔出嚟追車叫口號。[IMG]http://www02.ktzhk.com/attachments/month_0610/cwm26_uv0B.gif[/IMG]