2009-5-14 18:52
EK狗
哩世仔第一次見到…【親身經歷】
時間︰上個禮拜某日中午
地點︰我家廚房(我自己住)
人物︰我自己
上個禮拜某日接近中午時份，我一個人响屋企廚房洗緊碗，廚房門口突然有個女人企咗响度，佢彩色嘅，啲衫同我哋而家啲人一樣，好真實絕對唔係幻覺，廚房隔離就係大門如果有人嚟一定知道。當時我即刻大大聲聲唱歌，扮鎮定、扮睇唔到咁繼續洗碗，個心就“ 嘭嘭聲 ”係咁跳，而且起晒雞皮:11: ，心諗唔係呀…日光日白太陽都已經晒入屋啦，咁都仲見到？之後時間大約過咗三四分鐘我大膽咁望出門口，個女人即刻消失咗，行雲成間屋都唔見有人:36: 。我即刻打電話同我家姐講返件事，佢聽完之後唔信不突只仲笑咗好耐，佢話日投見到鬼已經好笑，仲要話係彩色？攪到自己哩埋响個廚房度幾分鐘唔敢出嚟？又鬧我點解唔質問佢係邊個？點解會响我間屋出現？唉…:41:
其實平時我一個人响房打機，都經常聽到佢哋講嘢，不過就唔知點解聽唔到佢哋講乜。冲凉嘅時候更加聽到佢哋响個廳度行來行去，攪吓哩樣整吓嗰樣感覺就好似有其他人响出面咁，不過每次行出去望嘅時候成間屋又係得我一個。我同好多人提過但係最終都係當笑話咁聽完就算，可能而家你哋都响度笑緊？！不過件事的而且確係真。
2009-5-18 03:49
dj-suzuki
如果你肯定唔係幻覺既話，咁我亦都唔怕喺呢度同你分享番我既經歷，你話比你家姐知呢d唔係好笑既事，或者佢可以唔信，但係的而且確有呢d事,我亦都有太多呢d經驗，你果d算係小野喇！我多年來既經歷比你所發生既仲更加恐怖更加慘呀！不過我可以答你日光日白都可以見到鬼架！唔係淨係夜晚先有，我比靈界纏繞我好多年架喇！而我最近都係比師父幫我搞掂佢地咋！我係過來人當然知道你既心情啦！如果間屋係有問題就唔好拖呀，如果喺呢方面需要幫忙既話，你可以搵我。