祖兒阿Sa全程扮蒙面黨

[img]http://orientaldaily.on.cc/cnt/entertainment/20090503/photo/0503_00282_006p1g1.jpg[/img]
人類感染豬流感（H1N1甲型流感）終在港爆發，被確診人士的其中兩名朋友日前由上海轉機到北京，令一班由北京返港的藝人容祖兒、蔡卓妍、薛凱琪等亦人心惶惶，在飛機上全程戴住口罩，做足預防措施。

容祖兒、蔡卓妍（阿Sa）、鄭希怡、方大同和薛凱琪（Fiona）等，前晚演出完成龍在北京鳥巢舉行的音樂會後，昨日中午一點半乘機返抵香港國際機場，五人之中只有方大同沒有戴上口罩，祖兒坦言已做足預防措施，她說：「今次及早發現有疫症，有助防止疫情蔓延。不過自己都會好小心，例如勤洗手同戴口罩。（好多人搶購口罩喎？）媽咪買咗，但唔知係咪03年剩落？」她表示暫時冇通知要到外地工作，所以不擔心周圍飛。

[img]http://orientaldaily.on.cc/cnt/entertainment/20090503/photo/0503_00282_006p2g2.jpg[/img]  [img]http://orientaldaily.on.cc/cnt/entertainment/20090503/photo/0503_00282_006p3g2.jpg[/img]
醫生表弟溫馨提示

戴上黑超及口罩的阿Sa坦言一早收到香港有確診個案，令她十分擔心，她說：「全程坐飛機都唔敢除下口罩。雖然我哋去到北京冇聽到當地有疫情報告，市民亦冇戴口罩出街，但我有個表弟做醫生，佢叫我小心啲，去到人多地方都要全程戴上口罩、食嘢前又要洗手，而媽咪都買咗大量口罩同酒精。」

[img]http://orientaldaily.on.cc/cnt/entertainment/20090503/photo/0503_00282_006p4g3.jpg[/img]  [img]http://orientaldaily.on.cc/cnt/entertainment/20090503/photo/0503_00282_006p5g3.jpg[/img]

Fiona笑自己白癡

至於薛凱琪和緋聞男友方大同昨日一齊出閘，方大同更耐心地在咖啡店門外等候Fiona買咖啡，而戴上帽子、黑超、口罩，由頭包到落腳的Fiona，見現場氣氛緊張，還帶笑說：「我笑緊，你哋睇唔到咋，哈，好白癡。」她直言在北京大部分時間都戴住口罩，她解釋：「真係頂唔順先除低一陣透吓氣，因為墨西哥政府都叫民眾唔好出街，所以自己都會小心防範，媽咪提醒我要帶備消毒用品，唱歌前都用濕紙巾消毒支咪先。」

不過，方大同則一副大無畏精神，全程都沒有戴口罩，他說：「OK，唔擔心，注意眼部衞生就可以。」在旁的Fiona忍不住說：「我會叫佢戴。」問到可知房祖名幾時返港？她說：「唔知，之前佢都喺北京做嘢，應該知北京情況。」